शान्ति समाज कास्कीको २० औं साधारण सभा

मुलुकमा दण्डहिनता मौलायो : अध्यक्ष बास्तोला

आदर्श समाज सम्वाददाता
असाेज २१, २०७५
IMG_1224

पोखरा, २० असोज। स्वतन्त्र पत्रकार संघ नेपालका अध्यक्ष कृष्णप्रसाद बास्तोलाले मुलुकमा दण्डहिनता एवं अराजकता मौलाएको बताएका छन् ।

उनले विश्वमा पशुअधिकारको बहस चलिरहेका बेला नेपालमा मान्छेकै जीउधनको सुरक्षा नभएको बताए। मानवअधिकार तथा शान्ति समाज, कास्कीको २० औ वाषिर्क साधारणसभा शनिबार उद्घाटन गर्दै बास्तोलाले सो कुरा बताएका हुन् ।

उनले सरकारले देशमा शान्तिसुरक्षा कायम गर्न नसकेको बताउँदै नागरिक आफ्नो सुरक्षाको लागि आफै सचेत हुनुपर्ने अवस्था सृजना भएको बताए। आदर्श समाज दैनिकका प्रधानसम्पादक समेत रहेका अध्यक्ष बास्तोलाले मानवअधिकारकर्मीको काम आफैमा असुरक्षित र चुनौतीपूर्ण भएको हुँदा अधिकारकर्मीले राज्यलाई खबरदारी गर्न बिर्सन नहुने बताए।

मानवअधिकार तथा शान्ति समाजका केन्द्रिय सामाजिक सरोकार संयोजक सूर्यप्रसाद ढकालले देशमा ब्याप्त अराजकता, द्वन्द्व एवं हिंसाकै कारण संस्थाको जन्म भएको बताउँदै शान्ति समाजले यस्ता मानवअधिकार हनन् एवं दमन्कारी ज्यादती सहेर नबस्ने बताए। साथै उनले राज्यलाई खबरदारी गर्नु समाजको पहिलो कर्त्तब्य भएको समेत बताए।

शान्ति समाज कास्कीका पूर्व सभापति भानु कँडेलले सरकार यतिबेला आँखा र कान बन्द गरेर बसेको आरोप लगाउँदै मानवअधिकारकर्मी चुप लागेर बस्न नहुने बताए।

समाजसेवी महिला एवं शान्ति समाजद्वारा सम्मानित व्यक्तित्व शशि तुलाचनले निर्मला पन्तले न्याय नपाउनु भनेको सम्पूर्ण नेपाली महिलाको जीवन असुरक्षित हुनु रहेको बताइन ।

पृथ्वीनारायण क्याम्पसका सहप्राध्यापक डा भावना पोख्रेलले अधिकारकर्मीले नागरिकको सुरक्षाका लागि सशक्त भएर लाग्नुपर्नेमा जोड दिइन् ।

सो अवसरमा संस्थाले २०७४ सालको स्थानीय तथा संघीय निर्वाचनमा कास्कीको प्रतिनिधित्व गर्दै निर्वाचनको पर्यवेक्षण कार्यमा सहभागी सदस्यलाई प्रमाणपत्र वितरण गरेको थियो।

कार्यक्रममा समाजका सचिव रामकृष्ण ढुंगानाले संस्थाको प्रगति प्रतिवेदन र कोषाध्यक्ष बेलबहादुर नेपालीले आर्थिक प्रतिवेदन प्रस्तुत गरेका थिए।

संस्थाका सभापति अमृत सुवर्णकारको अध्यक्षतामा भएको कार्यक्रममा उपसभापति तीर्थराज न्यौपानेले स्वागत र सचिव रामकृष्ण ढुंगानाले संचालन गरेका थिए।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…
  • पोखरा वडा १२ मा हस्तकला तालिम सुरु

    आदर्श समाज सम्वाददाता फागुन १५, २०८०
    पोखरा । पोखरा महानगरपालिका वडा नं. १२ को आयोजना तथा विधाता हस्तकला तथा प्राविधिक तालिम केन्द्रको सहकार्यमा महिलाहरूका लागि एक…
  • पोखराको भवन मापदण्ड : ५ तलामाथिका घरमा लिफ्ट अनिवार्य

    आदर्श समाज सम्वाददाता फागुन १५, २०८०
    पोखरा । पोखरा महानगरपालिकाले नयाँ मापदण्ड सार्वजनिक गरेको छ । २०३१ को भौतिक विकास योजना, २०५५ सालको एकीकृत कार्यमूलक योजना,…

hero news full width