तराई सेवा समाजले गर्‍यो शुभकामना आदानप्रदान

सम्मान जोगाउनै गाह्रो : डा. मणिभद्र

आदर्श समाज सम्वाददाता
असाेज २१, २०७५
IMG_1308

पोखरा, २० असोज।तराई सेवा समाज पोखराले शनिवार शुभकामना आदनप्रदान तथा सम्मान कार्यक्रमको आयोजना गरेको छ।

विजयादशमी, दीपावली तथा छठ पर्वको अवसरमा आयोजित उक्त कार्यक्रममा संस्थाका संस्थापक तथा आजीवन सदस्यहरूलाई सम्मान गरिएको थियो।

कार्यक्रममा प्रमुख अतिथिको आशनबाट नेपाल केशरी डा मणिभद्र मुनि महाराजले आशीर्वचन प्रदान गर्दै सम्मान पाउन भन्दा जोगाउन गाह्रो हुने बताए।

‘समाजसेवीले पाउने सम्मान नै हो’ उनले भने- ‘सम्मानको मर्यादालाई कहिल्यै भुल्न हुँदैन।’

पहाडको जल र मधेसको बल (अन्न)ले नेपाल धानिएको उल्लेख गर्दै उनले आपसी सद्भाव र एकता बढाउनमा समाजले सघाउ पुर्‍याउने विश्वास व्यक्त गरे।

कार्यक्रमको उद्घाटन गर्दै स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले पोखराको विकासमा विभिन्न समाजको उल्लेखनीय योगदान रहेको चर्चा गर्दै तराई सेवा समाज पनि गठन भएकोमा खुसी व्यक्त गरे। हरेक सुख दुःखमा समाजको सहयोग महत्वपूर्ण हुने बताउँदै उनले भने – अब पोखरावासीले तराईंको संस्कृतिको पनि अवलोकन गर्ने अवसर पाउनेछन्।कार्यक्रममा समाजका सल्लाहकार डा दिपेन्द्र कुमार यादव, इ. वीरेन्द्रप्रसाद मण्डल, उदयकुमार सिंह, सल्लाहकार एवम् विधान संयोजक रमेश कुमार झाले शुभकामना मन्तव्य व्यक्त गर्दै लामो समयको प्रयासपछि संस्था गठन हुन सफल भएको भन्दै हर्ष प्रकट गरेका थिए।

समाजका अध्यक्ष पशुपति महतोको अध्यक्षतामा भएको उक्त कार्यक्रममा उपाध्यक्ष शैलजा झाले स्वागत मन्तव्य राखेकी थिइन्।

कार्यक्रमको सञ्चालन महासचिव उमेशकुमार मिश्रले गरेका थिए।

Related News

सम्बन्धित समाचार

  • पोखरा पूर्ण खोप सुनिश्चितता दिगोपना घोषणा

    आदर्श समाज सम्वाददाता जेठ १७, २०८१
    पोखरा । पोखरा महानगरपालिकालाई पूर्ण खोप सुनिश्चितता दिगोपना घोषणा गरिएको छ । महानगरमा जन्मदेखि ५९ महिनासम्मका २९ हजार ३ सय…
  • नीरमाया दोहोरी साँझले जित्यो भलिबल प्रतियोगिता

    आदर्श समाज सम्वाददाता जेठ १७, २०८१
    पोखरा । चिप्लेढुंगाको नीरमाया दोहोरी साँझले दोहोरी साँझस्तरीय महिला भलिबल प्रतियोगिताको उपाधि जितेको छ । पोखरा कलाकार खेलकुद संघ आयोजनामा…
  • समाजको हितमा काम गर्न जोड

    आदर्श समाज सम्वाददाता जेठ १७, २०८१
    पोखरा । नेपाल दशनामी समाज कास्कीले पोखरामा आयोजना गरेको बृहत् छलफल तथा अन्तरक्रियाका वक्ताले समाजले समुदायको हितमा क्रियाशील हुँदै मौलिक…
  • उन्नतिको रक्तदानमा ६० युनिट रगत संकलन

    आदर्श समाज सम्वाददाता जेठ १७, २०८१
    पोखरा । पोखराको नयाँबजारमा अवस्थित उन्नति बचत तथा ऋण सहकारी संस्था लिमिटेडले बुधवार आयोजना गरेको खुला रक्तदान कार्यक्रममा ६० जनाले…
  • पोखराको एकीकृत रणनीतिक कार्य योजना

    आदर्श समाज सम्वाददाता जेठ १६, २०८१
    पोखरा महानगरपालिका पोखरालाई पर्यटनको राजधानी घोषणा पश्चात् एकीकृत रणनीतिक कार्य योजना निर्माणको तयारीमा लागेको छ । समग्र पर्यटन क्षेत्रको विकास…

hero news full width

trending post

ट्रेन्डिङ्ग