सिर्जनशील लोकतान्त्रिक प्रतिष्ठानमा बस्ताकोटी

आदर्श समाज सम्वाददाता
असाेज २१, २०७५

पोखरा, २० असोज।सिर्जनशील लोकतान्त्रिक वाङमयप्रतिष्ठानको शनिवार सम्पन्न १० औं साधारण सभा तथा पाँचौं अधिवेशनले डा. भूमिराज बस्ताकोटीको अध्यक्षतामा नयाँ कार्य समिति चयन गरेको छ।

समितिको उपाध्यक्षमा सुरज पौडेल, सचिवमा डिल्लीराम पौडेल, सहसचिवमा कृष्णप्रसाद त्रिपाठी, कोषाध्यक्षमा सुलोचना खनाल चयन भएका छन्।

यसैगरी, सदस्यमा हिममाया पौडेल, सुरेशकुमार मानन्धर, डा. भानुभक्त शर्मा कँडेल, सूर्यभक्त सिग्देल, तारा पाखे, टिकाराम आचार्य रहेका छन्।

योगराज पौडेल संयोजक, शिशुकला पराजुली र लक्ष्मण अधिकारी सदस्य रहेको निर्वाचन समितिले निर्वाचित समितिको कार्यकालको पूर्ण सफलताको कामना गरेको थियो।

सभाको उद्घाटन सत्रका प्रमुख अतिथि गण्डकी प्रदेशका प्रदेश प्रमुख बाबुराम कुँवरले विजलाई उमारेर बिरुवा बनाउने सामर्थ्य प्राज्ञिक समूहमा हुने बताए।

अतिथि कुँवरले आफूले पनि केही समय अध्यापन गराएको स्मरण गर्दै भने-’एउटा शिक्षकले भोलिपल्ट अध्यापनका लागि रातभरि तयारी गरेर जान्छ पढ्नेले नपढेपछि कसको के लाग्छ ?’

देशको राजनैतिक सन्दर्भलाई लिएर कुँवरले भने-‘पछिल्लो समय उच्च पदमा बसेर जुन काम नगर्नु र गर्न हुँदैन भनिन्छ त्यहीँ काम गरिन्छ जसका कारण अराजकता निम्तन्छ।’

यसैगरी, सो अवसरमा संस्थाको मुखपत्र अवधारणाको पाँचौं अंकको लोकार्पण, आजीवन सदस्यलाई सदस्यता प्रमाणपत्र वितरण र प्रतिष्ठानमा रहेर उत्कृष्ट कार्य गर्ने पूर्वपदाधिकारीबाट संस्थापक सचिव प्रा.डा. विष्णुप्रसाद पौडेल र पूर्व कोषाध्यक्ष वसन्त पराजुलीलाई सम्मान गरिएको थियो।

अध्यक्षको आसनबाट डा जगन्नाथ रेग्मीले प्रतिष्ठानले हालसम्म गरेका गतिविधिबारे संक्षेपमा जानकारी गराएका थिए।

अध्यक्ष रेग्मीले पदाधिकारीको सहयोग र साथले प्रतिष्ठानको गौरव र गरिमा उचो रहने कार्य गर्ने पर्यत्नमा रहँदारहँदै कार्यकाल समापन भएको धारणा व्यक्त गरे।

कार्यक्रममा स्याङ्जा साहित्य प्रतिष्ठानका अध्यक्ष विश्वप्रेम अधिकारी, कन्या क्याम्पसका क्याम्पस प्रमुख सुरेशकुमार मानन्धर, संस्थाका निवर्तमान अध्यक्ष दीपेन्द्र पराजुली, उपाध्यक्ष डा. भूमिराज बस्ताकोटी, सचिव विष्णु शर्मालगायतले बोलेका थिए।

सभामा सचिव विष्णु शर्माद्वारा प्रस्तुत सांगठनिक र कोषाध्यक्ष शिशुकला पराजुलीले प्रस्तुत गरेको आर्थिक प्रतिवेदन सर्वसम्मत पारित गरिएको थियो।

Related News

सम्बन्धित समाचार

  • पर्वतीय संग्रहालयमा फोटो प्रदर्शन

    आदर्श समाज सम्वाददाता असाेज ११, २०८०
    पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
  • सरकारको आलोचनामात्र गर्नु गलत : मन्त्री सिंखडा

    आदर्श समाज सम्वाददाता असाेज ११, २०८०
    पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
  • अनुगमनमा ३ पसललाई कारबाही

    आदर्श समाज सम्वाददाता असाेज ११, २०८०
    लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
  • भूपू सैनिक सहकारीको सभा

    आदर्श समाज सम्वाददाता असाेज ११, २०८०
    हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
  • लेखनाथ कुटानी पिसानी व्यवसायी समितिमा विष्णु

    आदर्श समाज सम्वाददाता असाेज ११, २०८०
    लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…

hero news full width