चार्डपर्व लक्षित १८ प्रकारका सुरक्षा

आदर्श समाज सम्वाददाता
असाेज १९, २०७५
polivr

पोखरा, १८ असोज। जिल्ला प्रहरी कार्यालय, कास्कीले निर्धक्क भएर चार्डवर्प मनाउन सबैलाई आग्रह गरेको छ।

चार्डपर्व लक्षित गरी १८ प्रकारका सुरक्षा अपनाइएको भन्दै निर्धक्क भएर चार्डवर्प मनाउन प्रहरीले आग्रह गरेको हो।

‘विगतको अनुभवबाट सिक्दै सुरक्षा व्यवस्था मिलाएका छौ,’ पोखरामा विहीवार आयोजित पत्रकार सम्मेलनमा जिल्ला प्रहरी प्रमुख प्रहरी उपरीक्षक ओमबहादुर रानाले भने, ‘तपाईहरु निर्धक्क भएर चार्डपर्व मनाउनुहोस्।’

सशस्त्र प्रहरी, राष्ट्रिय अनुसन्धानसँग समन्वय गरी सुरक्षा व्यवस्था मिलाइएको उनको भनाइ छ। चार्डपर्वमा आवश्यक सुरक्षाका लागि पाँच सय ८६ सुरक्षाकर्मी खटाइने छ।

सिआरभी, पैदल गस्ती, आकस्मिक चेकिङ, हाइवे चेकिङ र मन्दिरको सुरक्षालाई विशेष ध्यान दिइएको प्रहरीको भनाइ छ। घटना घट्न सक्ने सम्भाव्यस्थल अध्ययन गरी एम्बुसिङ समेतको व्यवस्था मिलाइएको छ।

प्रहरीका अनुसार चार्डपर्वमा नौ स्थानमा सिआरभी, ग्रामीण क्षेत्रमा १४ वटा गस्ती, शहरी क्षेत्रमा ६ वटा मोवाइल टोली, ६ टोली मोटरसाइकल गस्ती, ७ टोली पैदल गस्ती र १९ स्थानमा एम्बुसिङको व्यवस्था मिलाइएको हो। प्रहरीले जुवातास समेत नियन्त्रण गर्ने जनाएको छ। चार्डपर्व बेला यात्रु ठगिने सम्भावना मध्यनजर गर्दै यात्रु सहायक कक्ष राखिने छ।

जिल्ला प्रशासन कार्यालयसँग सहकार्य गरी बजारमा हुन सक्ने कृत्रिम अभाव र मनोमानी नियन्त्रण गरिने जनाइएको छ।

Related News

सम्बन्धित समाचार

  • टुँडिखेलमा ऐतिहासिक दसैं मेला

    आदर्श समाज सम्वाददाता असाेज १०, २०७९
    पोखरा । राष्ट्रिय मावि, पोखराको व्यवस्थापनमा पुरानो टुँडिखेलमा ऐतिहासिक दसैं मेला हुने भएको छ । स्थानीयको आवश्यकता र आर्थिक बिनिमय…
  • जनप्रियमा शुभकामना आदानप्रदान

    आदर्श समाज सम्वाददाता असाेज १०, २०७९
    पोखरा । दसैंतिहार लगायत पर्व अवसरमा जनप्रिय बहुमुखी क्याम्पस, पोखराले शुभकामना आदनप्रदान तथा चियापान कार्यक्रम गरेको छ । शुभकामना मन्तव्य…
  • लेकसाइडमा मिनी सडक महोत्सव

    आदर्श समाज सम्वाददाता असाेज १०, २०७९
    पोखरा । रेष्टुरेन्ट एन्ड बार एसोसिएसन नेपाल (रेवान), पोखराको आयोजनामा असोज ११ मा लेकसाइडमा मिनी सडक महोत्सव–२०७९ आयोजना गरिने भएको…
  • प्रमुखज्यूसँग भेटघाट : समस्या सुनाउँदै, आशावादी बन्दै

    धनबहादुर गुरुङ असाेज १०, २०७९
    पोखरा । पोखरा १५ की देवकी विक प्रसन्न मुद्रामा न्युरोडस्थित पोखरा महानगरपालिका कार्यालयको प्रांगणमा भेटिइन् । मेयर धनराज आचार्यलाई आफ्नो…
  • पोखरा फोटोग्राफर संघको तालिम

    आदर्श समाज सम्वाददाता असाेज ९, २०७९
    पोखरा । पोखरा फोटोग्राफर संघ, पोखरा नेपालको आयोजनामा स्टुडियो पोट्रेट, स्ट्रोब एन्ड स्पिड लाइटिङ तालिम भएको छ । संघमा आवद्ध…

hero news full width