फुटबल प्रतियोगितामा सहयोग जुट्दै

आदर्श समाज सम्वाददाता
असाेज १९, २०७५

हेमजा, १८ असोज। लाहाचोकस्थित माछापुच्छ्रे त्रिशक्ति युनाइटेड क्लबको आयोजनामा असोज २४ देखि २९ गतेसम्म महेन्द्र माविमा प्रदेशस्तरीय फुटबल प्रतियोगिता हुँदैछ । प्रतियोगिताको लागि सहयोग रकम समेत जुट्दैछ।

हालसम्मको उपलब्धिबारे जानकारी दिन आयोजित कार्यक्रममा माछापुच्छ्रे गाउँपालिका वडा ४ का अध्यक्ष पूर्णबहादुर शाहीले फुटबल खेल केवल मनोरञ्जनका लागि मात्र नभई व्यवसायिकताका लागि पनि हुने औल्याए। उनले वडाको तर्फबाट ७८ हजार आर्थिक सहयोग गर्ने घोषणा पनि गरे।

मुख्य प्रायोजक गल्फ रिटायर कृषि र्फमका प्रोप्राइटर ओमप्रकाश अधिकारीले खेल माध्यमबाट आफ्नो वडा, देश विदेशमा परिचित बनाउनुपर्ने बताए । उनले स्वच्छ नागरिकको लागि खेलको महत्वपूर्ण भूमिका रहने बता । प्रतियोगितालाई र्फमतर्फबाट ८० हजार ८ सय ८ सहयोग गर्ने पनि जनाए।त्यस्तै सुशील स-मिलका प्रोप्राइटर शिव भण्डारीले ५१ हजार १ सय ११ प्रदान गर्ने घोषणा गरेका छन्।

मर्दी हिमाल ट्रेकिङ स्टोर्सका संचालक केशवराज बास्तोलाले अनुशासित टीमलाई, अनिल ढुवानी सेवाका संचालक अनिल नेपालीले वेष्ट प्लेयरलाई, डि्रम्स क्यानोनिङ संचालक बोनी गुरुङले हाईस्कोररलाई, लबी क्षेत्रीले उत्कृष्ट किपरलाई, एञ्जल-एञ्जिला ढुवानी सेवाका प्रोप्राईटर सन्तबहादुर नेपालीले म्यान अफ दि म्याच पुरस्कार प्रदान गर्ने जनाए।

यसैबीच, मर्दिखोला कृष सुनचाँदी पसलका संचालक कृतिमान सुनार र वि.भाञ्जा हृयाचरीबाट जर्सीप्रदान गरिएको थियो।

त्यस्तै फुटबल खेलाडी नीरज शाहीले ५ थान बल साथै १ थान पम्प सहयोग गरे। प्रतियोगिताका गतिविधिबारे जानकारी दिँदै सहसंयोजक पानबहादुर जिसीले देश विदेशबाट गरी बुधवारसम्म ६ लाख अर्थ संकलन गरिसकिएको जानकारी दिए।

क्लब अध्यक्ष निरज शाहीको अध्यक्षतामा सम्पन्न उक्त कार्यक्रममा सह-संयोजक विदुरचन्द्र ढकालले स्वागत र सचिव राजेन्द्र गौतमले संचालन गरेका थिए। प्रतियोगितामा १२ टिम सहभागी हुनेछन् ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width