लेखनाथ, १८ असोज। पोखरा २७, रिठेपानीस्थित राईजिङ स्टार युथ क्लबले विहीवार आयोजना गरेको १२ औं खुला रक्तदानमा ७९ युनिट रगत संकलन भएको छ।

पोखरा वडा २७ का वडाध्यक्ष पूर्णकुमार गुरुङले पहिलो रक्तदाता हरिबहादुर जिसीलाई ब्लडब्याग हस्तान्तरण गरी कार्यक्रम उद्घाटन गरेका थिए ।

कार्यक्रममा वडाध्यक्ष गुरुङले प्रत्येक ३/३ महिना अवधिमा रक्तदान गर्दा स्वास्थ्य राम्रो हुने र त्यही खेर जाने रगत बिरामीका लागि अमूल्य हुने भएकाले रक्तदानलाई सामाजिक कामको रुपमा पनि लिन सुझाव दिए।

क्लब अध्यक्ष विष्णु गुरुङको अध्यक्षतामा भएको सो कार्यक्रममा स्वागत मन्तव्य संयोजक अञ्चल गुरुङले गरेका थिए।

क्लबले आफ्नो टोल वरपर सरसफाइ र युवाका लागि लागु औषध सचेतना कार्यक्रम गर्दै आएको छ ।