लमजुङ, १७ असोज। मध्यनेपाल नगरपालिका- ५, समिभञ्याङकी गुनाकुमारी गुरुङले ५५ वर्ष उमेरमा नागरिकता प्रमाणपत्र पाउँदा संसार जितेजस्तै खुसी लागेको बताएकी छन् ।
दुर्इ सन्तानकी आमा उनी जिल्ला प्रशासनमा नागरिकताका लागि पटक-पटक आए पनि रित्तै फर्किनुपरेको थियो । उनलाई हालैमात्र कार्यालयले नागरिकता प्रमाणपत्र दिएको हो ।
सानै उमेरमा २०३८ सालमा विवाह गरेकी उनी २०५३ साल श्रीमान् बेपत्तापछि एक्लो जीवन बिताउँदै आएकी थिइन् ।
‘मसँग विवाह दर्ता, नागरिकता केही थिएन, बुबाको नागरिकताबाट बनाउन खोज्दा पनि
यसअघि नागरिकता पाउन सकिनँ’ उनले नागरिकता हात परेपछि खुसी हुँदै भनिन्, ‘आज नागरिकता पाउँदा संसार जितेजस्तै खुसी लागेको छ।’ उनका बाबु कुलबहादुर गुरुङ अहिले उमेरले ८३ टेके ।
नागरिकतामा गुनाकुमारीको जन्म २०२० चैत ११ उल्लेख छ।
प्रमुख जिल्ला अधिकारी झंकनाथ ढकालले लामो समयदेखि नागरिकता नपाएकाका लागि ऐन कानूनले मिलेसम्म नागरिकका लागि दुःख नदिने किसिमले नागरिकता प्रदान गर्दै आएको बताए। उनले भने, ‘हामी जनताका सेवाका लागि आएका हौ। उनीहरुको समस्या अनुसार सहज तरिकाले सुल्झाउनु हाम्रो कर्तव्य हो।’
‘नागरिकता नपाउँदा दुर्इ छोराहरूको भविष्य पनि अन्धकारमा डुब्छ कि भन्ने चिन्ता थियो तर त्यस्तो शंका आजबाट हट्यो,’ उनले भनिन् । उनका २४ वर्ष र २३ वर्षका छोराहरु छन् ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१