भेंडीखर्के साहिँलाको शालिक अनावरण

आदर्श समाज सम्वाददाता
असाेज १७, २०७५
Vedikharke Salik

लमजुङ, १६ असोज। ठाडोभाका शिरोमणि भेंडीखर्के साहिँलाको शालिक निर्माण गरिएको छ।

सुन्दरबजार नगरपालिका- ६, स्थित लक्ष्मीनारायण मन्दिर परिसरमा निर्मित उनको शालिक राष्ट्रिय गानका रचायिता प्रदीपकुमार राई ‘व्याकुल माइला’ ले अनावरण गरेका हुन्।

कार्यक्रममा व्याकुल माइलाले लमजुङको मौलिक लोकलयमा आधारित ठाडोभाका गीतको संरक्षणमा भेंडिखर्के साहिँलाको उच्च योगदान रहेको बताए। उक्त गीतको संरक्षण भएको खण्डमात्र उनीप्रति सच्चा श्रद्धाञ्जली हुने विचार व्यक्त गरे । राज्यले सबै स्रष्टाहरूको सम्मान गर्नु सक्नु पर्छ व्याकुल माइलाले भने।

भेँडीखर्के साहिं’ला स्मृति प्रतिष्ठान, लमजुङ अध्यक्ष शम्शेरबहादुर लौडारीले भेंडीखर्के साहिँंलाले आजीवन ठाडोभाका संरक्षणमा लागेका कारण उनको योगदानको उच्च कदर गर्नुका साथै सम्मान र सम्झनाका लागि शालिक निर्माण गरिएको बताए। उनका अनुसार भेंडीखर्के साहिँलाको वाषिर्क पुण्यतिथि पारेर शालिक अनावरण गरिएको हो।

प्रतिष्ठानको पहल तथा विभिन्न सहयोगी व्यक्ति तथा संघसंस्थाको सहयोगमा उक्त शालिक निर्माण गरिएको हो।

दोहोरी गीतका रूपमा गाइने ठाडोभाकाका सर्जक दुराडाँडास्थित हाडीखोलाका देउबहादुर दुरा हुन्। लमजुङका मेलापात तथा पाखा पखेरामा ठाडोभाका गुञ्जन थालेको एक शताब्दी बितिसकेको छ। ठाडोभाकालाई लोकदोहोरी गीतको जननी पनि भनिन्छ।

भेंडीखर्के साहिँलाको गत वर्ष भदौ २६ गते ८५ वर्ष उमेरमा निधन भएको हो। निधनको तीन महिना अघिसम्म उनले ठाडोभाका गीत गाइरहेका थिए। जीवनको अन्तिम दिनमा उनले आफू मरे पनि ठाडोभाका नमरोस् भनी यसको संरक्षणमा लाग्न प्रेरित गर्थे ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width