पोखरा, १५ असोज । गण्डकी प्रदेशको लोगो तयार भएको छ । गोरखाका विनित रानामगरले तयार गरेको लोगो सोमबार सार्वजनिक गरिएको हो ।
प्रदेशको नाम टुंगाएको साढे २ महिनापछि गण्डकीले सबै क्षेत्रको पहिचान झल्किने प्रदेश चिन्ह बनाएको हो ।
धानका दुर्इवटा बालाले घेरेको गोलाकारभित्र माछापुच्छ्रे हिमालको चुचुरो सहित अन्नपूर्ण हिमश्रृंखला सिरानमा छ भने त्यसभन्दा तलतिर क्रमशः पहाड र तराईको आकार छ । नेपालको नक्साभित्र गण्डकी प्रदेशको छुट्टै नक्सा छ । यसले प्रदेशको भूगोल चिनाउँछ, जहाँ सबै भेषभूषा र भूगोलको पहिचान झल्किने गरी पहिरन सहितको मान्छेको तस्वीर छ । पहाडको काखबाट बहने नदीले गण्डकी प्रदेशको जल सम्भावनालाई प्रष्टयाउँछ । नदीको संकेतको वारीपारी गैंडा र जरायो चरेका छन् ।
लोगोभित्रको डाँफे राष्ट्रिय पंक्षी हो । त्यसभन्दा तल लैंगिक समानता झल्काउन महिला र पुरुषले हात मिलाएको संकेत राखिएको छ । नवलपुरदेखि मुस्ताङसम्मको भूगोल, सम्पदा र महिला-पुरुषको सहअस्तित्व झल्कने गरी लोगो तयार गरेको लोगो तथा पोशाक सिफारिस समितिका संयोजक मायानाथ अधिकारीले बताए ।
समितिले साउन २१ गते लोगो बनाउन सार्वजनिक आहृवान गरेको थियो। लोगो तयार गरेका विनितलाई नगद २५ हजार पुरस्कार प्रदान गरिएको छ।
यस्तै समितिले प्रदेशसभा सदस्यहरुको लागि खैरो रंगको पोशाक सिफारिस गरेको छ । गण्डकी प्रदेशका प्रदेशसभा सदस्यहरुले लोगोसहित खैरो कोट लगाउनुपर्नेछ ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१