मदिरा र जुवातासमा भुले जरिवाना

आदर्श समाज सम्वाददाता
असाेज १६, २०७५
madira

लमजुङ, १५ असोज। सुन्दरबजार नगरपालिका- २, परेवाडाँडावासीले मदिरा र जुवातासविरुद्ध अभियान चलाएका छन् ।

समाजमा विद्यमान विकृति-विसंगति तथा आपराधिक घटना न्यूनिकरण गरी सभ्य समाज निर्माण गर्ने उद्देश्य साथ सो अभियान शुरु गरिएको वडाध्यक्ष जगतबहादुर खड्काले बताए।

उनका अनुसार जाँडरक्सी, जुवातास नियन्त्रणका लागि अभियान नै सञ्चालन गरिएको छ। उनले भने, ‘सामाजिक विकृति विसंगति न्यूनिकरण गर्दै सभ्य समाज निर्माणका लागि हामीले अभियान शुरु गरेका हौँ।

एकै व्यक्तिले तीन पटकभन्दा बढी रक्सी पिएको भेटिए ५ हजार जरिवाना तोकिएको छ। त्यसपछि पनि अटेर गरी नियम उल्लंघन गरे प्रहरीसमक्ष बुझाइने निर्णय गाउँले भेलाले गरेका छन् ।’

खड्काका अनुसार सम्पन्न भेलाले बिहान ५ देखि साँझ ७ बजेसम्म सार्वजनिक स्थलमा रक्सी किनबेच र सेवन गर्न नपाउने निर्णय गरेको छ।

अभियान क्रममा सामाजिक सचेतनाका लागि र्‍याली र कोण सभा समेत गरियो ।

‘कसैले नियम उल्लंघन गरे कारबाही हुन्छ,’ उनले सचेत पार्दै भने, ‘रक्सी पहिलोपटक बेचेको फेला परे ५ सय र पिउनेलाई एक हजार रुपैयाँ जरिवाना तोकिएको छ।’

स्थानीय कमला भुजेलले जाँचरक्सी सेवनकै कारण घरपरिवार, समाजमा अशान्ति फैलिएको घरेलु हिंसाका घटना बढेको बताइन्।

उनले भनिन्, ‘बिहान रल्लिएर, दिउँसो जुवातास खेलेर साँझमा रक्सी खाएर घरमा आउने र महिला, केटाकेटीहरुलाई कुटपिट गर्नेजस्ता घटनमा यो अभियानले कमी गराउनेछ।’

उक्त अभियानलाई तिलक स्मृति युवा क्लब, प्रगतिशील महिला सञ्जाल लगायत स्थानीयले साथ दिएका छन्। सो वडा जिल्ला समन्वय समिति प्रमुख लोकराज पाण्डेको गृहगाउँ समेत हो ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width