पोखरा, १३ असोज। तमु धिं नेपालले तमुवान प्रदेशको ४० गाउँमा तमु भाषा लेखन तालिम कार्यक्रम सम्पन्न गरेको छ।
हिमाली आदिवासी समाजको सहकार्यमा तमु धिं नेपालले कास्की, स्याङ्जा, तनहुँ, लमजुङ र मनाङ जिल्लाका विभिन्न गाउँमा सो तालिम सम्पन्न गरेको हो।
तमु भाषा वर्णमाला अभियानका साथै तमु भाषा लेखनमा एकरुपता ल्याउने पहल स्वरुप आयोजित कार्यक्रममा १ हजार २ सय भन्दा बढी तमुहरुलाई तालिम प्रदान गरिएको तमु धिं नेपाल, पोखरामा आयोजित समीक्षात्मक कार्यक्रममा जानकारी गराइएको हो। तालिममा सहजकर्ता बुद्धि तमु, गमबहादुर तमु, मीनबहादुर तमु र गजेन्द्र तमुले अभियानको प्रतिवेदन प्रस्तुत गरेका थिए।
समीक्षामा हिमाली आदिवासी समाजका निर्देशक शम्बु ल्होमीले तमु भाषा वर्णमाला अभियानले तमु भातृभाषाप्रति तमुहरुलाई जागरुक बनाएको बताए। उनले भाषा लोप हुँदै जानु भनेको भाषा हराउनु मात्रै नभई समुदायगत स्वपहिचान, विविधता, जैविकता, मौलिकता, संस्कृति, संस्कार, अस्तित्व अन्त्य हुनु हो भन्दै मातृभाषाप्रति घरघरबाट जागरण ल्याउनुपर्नेमा जोड दिए।
तमु धिं नेपालका द्वितीय उपाध्यक्ष हुमबहादुर तमुले मातृभाषाको संरक्षण र विकास गर्ने हो भने बजार क्षेत्रमा रहेका मन्टेसरीहरुमा भाषा कक्षा शुरु गर्नुपर्ने बताए। घरमा अलि-अलि सिकाएको तमु भाषा अंग्रेजी सिकाउने नाउँमा मन्टेसरीदेखि नै तमु भाषाको घाँटी रेटिएको आरोप लगाए। उनले तमु भाषा विकास र संरक्षणका लागि संविधानमै व्यवस्था गरिए बमोजिम यस प्रदेशमा सरकारी कामकाजको भाषा तमु भाषा बनाउनुपर्ने बताए। तमु धिं नेपालमा महासचिव तथा अभियानका अनुगमनकर्ता गिरीप्रसाद तमुको अध्यक्षतामा भएको कार्यक्रमको संचालन सहजकर्ता मीनबहादुर तमुले गरेका थिए।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
हाम्रो बहुउद्देश्यीयको रक्तदानमा ४६ युनिट संकलन
शिशुवा सिसाघाट सडक शिलान्यास
मुख्य न्यायाधिवक्ताको कार्यालयले बल्ल सच्यायो विवरण
hero news full width
मुख्य समाचार
मनिपालमा अत्याधुनिक एमआरआई मेसिन
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१