मीना सिर्जनशील पुरस्कारबाट सारु सम्मानित

आदर्श समाज सम्वाददाता
असाेज १४, २०७५
prize

पोखरा, १३ असोज । मीना सिर्जनशील पत्रकारिता पुरस्कार-२०७४ बाट पत्रकार खेमबहादुर सारुमगर सम्मानित भएका छन् ।

नेपाल पत्रकार महासंघ कास्कीले संचालन गर्ने गरी प्रदेशसभा सदस्य मीना गुरुङले स्थापना गरेको सो पुरस्कारको राशि २० हजार रुपैयाँ साथमा सम्मानपत्र रहेको छ।

गण्डकी प्रदेशका आर्थिक मामिला तथा योजनामन्त्री किरण गुरुङले पोखरामा आयोजित एक समारोहमा सारुमगरलाई सो पुरस्कार प्रदान गरेका हुन् ।

सो अवसरमा मन्त्री गुरुङले पत्रकारिता क्षेत्र समाजको महत्वपूर्ण अङ्ग भएको बताउँदै विद्यमान सामाजिक विकृति विसङ्गतिको अन्त्यका लागि पत्रकार जगत् सक्रिय हुनुपर्ने आवश्यकतामाथि जोड दिए।

पत्रकार महासंघका महासचिव रमेश विष्टले मुलुकी संहितामा पत्रकारिता क्षेत्रलाई अंकुश लगाउने गरी उल्लेख गरिएका बुँदा हटाइनुपर्नेमा जोड दिए ।

गण्डकी प्रदेश सदस्य एवं पुरस्कार संस्थापक मीना गुरुङले पत्रकारको न्यूनतम पारिश्रमिक लागू गर्न मिडिया संचालकलाई आग्रह गरिन् । उनले आफ्नो जन्मदिनमा सो पुरस्कार वितरण गर्ने गरी स्थापना गरेकी हुन् ।

गण्डकी प्रदेश सदस्य कृष्ण थापाले अब आन्दोलनको युग सकिएको र आर्थिक विकास तथा समृद्धिको बाटोमा लाग्नुपर्नेमा जोड दिए ।

कार्यक्रममा पत्रकार महासंघ कास्कीका पूर्व अध्यक्ष रवीन्द्र बास्तोला, पुरस्कार छनोट समितिका संयोजक नारायण कार्की, महासंघ कास्कीका अध्यक्ष दीपेन्द्र श्रेष्ठ, सचिव रामप्रसाद तिमल्सिना, शान्तिका लागि नागरिक सञ्जाल कास्कीका अध्यक्ष विष्णु बराल, रुद्रबहादुर खत्री लगायतले पत्रकारिता क्षेत्रलाई व्यवसायिक र मर्यादित बनाउनुपर्ने आवश्यकतामा जोड दिए ।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width