हेमजा, ११ असोज । माछापुच्छे्र गाउँपालिका-८, खोरामुखस्थित शहीद हरिप्रसाद आधारभूत विद्यालयमा शुक्रबारदेखि शैक्षिक एवं धार्मिक महोत्सव शुरु हुदैछ। विद्यालयको सर्वाङ्र्गीण विकासका लागि भन्दै महोत्सव आयोजना गरेको हो ।

महोत्सव उद्घाटन शहीद हरिप्रसादकी पत्नी नन्दकुमारी गुरुङले उद्घाटन गर्ने विद्यालय व्यवस्थापन समिति अध्यक्ष ओमप्रसाद गुरुङले बताए ।

असोज २० सम्म चल्ने सो महोत्सव उद्घाटन पूर्व विद्यालय परिसरबाट कलश यात्रा शुरु हुनेछ । कलश यात्रा भेंडावारी, अनन्तठाँटी, नयाँपुल हुँदै शहीद हरिप्रसादको शालिक परिक्रमा गरेर विद्यालय हाता पुग्ने कार्यक्रम छ । महोत्सवका प्रमुखवाचक बाल योगेश्वर महाराज सम्मिलित ३० सदस्यीय टोली बिहीवार नै खोरामुख आइपुगेको छ। टोलीलाई विद्यालयले भेंडाबारीमा पञ्चेबाजा सहित भजन कीर्तनद्वारा स्वागत गरियोे । विद्यालयले महोत्सवबाट करिब डेढ करोड संकलन गर्ने लक्ष्य राखेको छ ।