विदेशको सीप नेपालमा

आदर्श समाज सम्वाददाता
असाेज १२, २०७५
_SUR9338

पोखरा, ११ असोज। बेलायतीहरुले कोठा तताउने वातावरणमैत्री प्रविधि पोखरामै भित्रिएको छ ।

१६ वर्षदेखि बेलायतमा रहेर सो प्रविधिको व्यवसायसँगै सीप हासिल गरेका पोखरेली धनु थकाली (पुरन) र जगन गुरुङले सो प्रविधि यहाँ भित्राएका हुन् ।

३ वर्षदेखि परीक्षणरुपमा सो प्रविधि नेपाल भित्राएका उनले भने, ‘उतैको सामान किनेर राख्दा प्रविधि महँगो हुन्छ, त्यसकारण नेपाली सुहाउँदो र खर्चले पनि धान्न सक्ने यो प्रविधि भित्रयाउन प्रयासरत छौं,’ धनु थकालीले भने। चार कोठाका लागि करिब तीन लाख खर्च गर्नुपर्ने बताए।

खाना पकाउने एलपिजी ग्यासले कोठा तताउने र नुहाउन तातो पानीसँगै आउने हुनाले सेन्ट्रल हिटिङ सिस्टेम र वाटर हिटिङ प्रविधि शुरुमा राख्दा केही महँगो देखिने भए पनि प्रयोगका हिसाबले सस्तो हुने थकालीले बताए।

बेलायतीहरु वातावरणमैत्रीका सामग्री प्रयोगका लागि सचेत भएका कारणले पनि यो प्रविधि बेलायत लगायत यूरोपेली मुलुकमा निकै चर्चित छ। खासगरी बिरामी, केटाकेटी र वृद्धवृद्धाका लागि निकै उपयोगी हुने थकालीले स्पष्ट पारे।

धाराको चिसो पानी मेसिनमा भएको सेन्सरले तातो गराउने काम गर्छ। मेसिनभित्रको पानी तातो भएपछि कोठाको वायुमण्डलमा फैलिन्छ र मेसिनमा आफूले चाहेको तापक्रम अनुसार मिलाउन सक्ने गरी स्वीच समेत राखिएको छ। यसले ३५ देखि ६० ड्रि्री सेल्सियससम्म तापक्रम दिन्छ।

दैनिक लगातार ४ घन्टा प्रयोग गर्दा एउटा एलपिजी ग्यासले करिब १५ दिनसम्म चार कोठा तताउन र नुहाउन, भाँडा धुन तातो पानी प्रयोग गर्न सकिने उनले बताए।

पोखराको टुरिजम एण्ड होटल मेनेजमेन्ट कलेज र काठमाडौंमा केही घरमा सो मेसिन प्रयोग भएको छ। पृथ्वीचोक निवासी धनु सहारा यूकेको एफसी सिइओ र बगर भाइखलकको यूके पोखरा प्रतिनिधि लगायत अन्य सामाजिक संघ-संस्थामा समेत आवद्ध छन्।

विगतमा करिब ३ वर्ष भूसंरक्षण जलाधारअन्तर्गत बेगनास र रुपातालका लागि जलाधार संरक्षणका लागि समेत ओभरसियर भएर काम गरेका उनी गण्डकी बोर्र्डिङ स्कूल (इग्बोसा) का सदस्य समेत हुन्।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width