पोखरा, ११ असोज । होटल र रेष्टुरेन्टका लागि दक्ष जनशक्ति उत्पादन गर्ने उद्देश्यले पोखरा जिरो किमीमा स्कूल अफ बार टेर्ण्र्डस संचालनमा आएको छ ।

तीन जना युवाको संयुक्त लगानीसहित संचालनमा आएको सो संस्थाले विहीवार पत्रकार सम्मेलन गरी सो जानकारी दिइएको हेा ।

संचालक रविन केसीले रेष्टुरेण्ट, होटल वा अन्य कुनै क्षेत्रमा व्यावसायिक प्रवद्धनसँगसँगै रोजगारीको उचित गन्तव्य बन्न पुगेको पोखरामा तालिम संचालन गर्न पाउँदा आफूहरु अत्यन्त उत्साहित बनेको बताए ।

‘असीमित सम्भावना हुँदाहुँदै हामी उचित तालिम नभएर पछाडि परिरहेका छौं,’ केसीले भने, ‘अब त्यसलाई पनि स्कूल अफ बार टेण्डरले पूरा गर्ने भएको छ ।’

पोखराका युवा लक्षित गरेर संचालनमा आएको बार टेर्ण्र्डसमा दक्ष जनशक्ति उत्पादन गर्ने उद्देश्यले विशेष बार टेण्डको तालिम संचालन गरेको शैलेष शाहीले बताए ।

स्कूलले बार टेण्डिङ, वारिष्टा, फायर एण्ड जगिङ र वेटरको तालिम दिने अर्का संचालक राजेन्द्र गुरुङले बताए । दुर्इमहिने बार टेण्डिङको लागि २५ हजार शुल्क लाग्ने बताइएको छ ।

त्यस्तै, एकमहिने बारिष्टा र फायर एण्ड जगिङका लगि १५ हजार र एकमहिने वेटरको लागि १२ हजार शुल्क लाग्ने जनाइएको छ ।

पहिलो चरणको तालिममा १० जना सहभागी छन् ।

‘विशेषगरी पोखरामा बार टेण्डरको राम्रो अवसर रहेको छ,’ संचालक गुरुङले भने, ‘युवाहरुको विशेष आकर्षण रहने यस पेशामा महिलासमेतलाई प्रोत्साहन गर्ने हाम्रो योजना हो ।’