युआरएल र पन्तको सम्मान

आदर्श समाज सम्वाददाता
असाेज ११, २०७५

पोखरा, १० असोज। गण्डकी प्रदेशको पहिलो रेफरेन्स ल्याब युआरएल र यसका प्रबन्ध निर्देशक ठाकुरप्रसाद पन्त सम्मानित भएका छन्।

डाइनोटेक सपोर्ट प्रालि र रोस कम्पनीले काठमाडौंमा आयोजना गरेको रोस युजर मिट २०१८ मा भाइब्रेन्ट रोस युजर अवार्डबाट युआरएल र पन्तलाई सम्मान गरिएको हो।

नेपालमै सबैभन्दा धेरै पारामिटर सञ्चालन र सामाजिक उत्तरदायित्व निर्वाह गरेकोमा युआरएललाई सम्मान गरिएको हो। सम्मानले सामाजिक उत्तरदायित्व निर्वाह गर्दै थप अत्यधुनिक परीक्षण पोखरामै उपलब्ध प्रेरणा मिलेको युआरएलका प्रबन्ध निर्देशक पन्तले बताए। उनले युआरएलले धेरै बिरामी भएका राजधानीका अस्पतालका प्रयोगशाला र रेफरेन्स ल्याबहरुले पनि सञ्चालन गर्न नसकेका केही परीक्षण पोखरामै उपलब्ध गराइरहेको बताए।

कार्यक्रममा प्रोमिनेन्ट रोस युजर अवार्डबाट अल्का अस्पतालका नवराज थापा र अलराउन्डर रोस युजर अवार्डबाट धरानका राजेन्द्रमोहन चौधरी सम्मानित भए।

यस्तै, रोस मेसिनको प्रयोग, परीक्षण र गुणस्तरीय रिपोर्टबारे ५ वटा कार्यपत्र पेश भएका थिए। युआरएलका ल्याब इन्चार्ज भूपेन्द्रराज पाण्डेयले इनोभेटिभ बायोमाकर्स विषयमा कार्यपत्र पेश गरेका थिए।

कार्यक्रममा डाइनोटेक सपोर्ट प्रालिका अध्यक्ष ज्योति थापा, रोस कम्पनीका डा दीपिका जिन्दल र विष्णु सक्तवात र डाइनोटेकका सञ्चालक सुशील थापाले पनि बोलेका थिए।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width