पोखरा/पोखरा वडा- २२, भुम्दीभुम्दीमा एक बालिका मंगलबार मृत भेटिएकी छिन् । सोमबारदेखि हराएकी १० वषे श्रीया सुनार पुम्दीभुम्दीको कोदीस्थित घर नजिकै मृत भेटिएकी हुन् ।

मंगलबार स्थानीय शव देखेपछि प्रहरीलाई खबर गरेकोमा वडा प्रहरी कार्यालय बैदामबाट गएको प्रहरी टोलीले पोष्टमार्टमका लागि पश्चिामाञ्चल क्षेत्रीय अस्पताल शव पठाएको थियो । डा. मदन बरालसहितको पाँच जनाको टिमले  पोष्टमार्टम रिपोर्ट तयार पारिसकेको र बुधबार कास्की प्रहरीलाई बुझाइने जनाएको छ ।

‘बिस्कुट किन्न जान्छु भनी घरबाट पसलतिर गएकी श्रेया घर नफर्केपछि उनको खोजी भएको थियो । शव झाडीमा घोप्टो परेको अवस्थामा भेटिएको प्रहरीले जनाएको छ । उनी स्थानीय लीला आधारभूत विद्यालयमा कक्षा ३ पढ्थिन् ।

उनको मृत्युको कारण भने खुल्न सकेको छैन । शवको छेउमै रगत लागेको ढुंगा भेटिनुको साथै बालिकाको कपडा खोलिएको थियो ।