पोखरा, ९ असोज। हेम्जा बोर्डिङ स्कूल, पोखरा-२५ हेमजामा मंगलवार दन्त शिविर भएको छ।

कान्तिपुर डेण्टल हस्पिटलको आयोजना र हेमजा बोर्डिङ स्कूलको व्यवस्थापनमा भएको उक्त शिविरमा ६ सय ५० जना विद्यार्थी तथा अभिभावको सहभागिता थियो।

शिविरमा कान्तिपुर डेण्टल हस्पिटलका डा आरपिएच मोहन कोइराला, डा सुष्मिता थापा सहित २० जना स्वास्थ्यकर्मीको टोलीले दात परीक्षण गरेका थिए।

दन्त शिविरमा आएका अभिभावकले शिविर फलदायी भएको बताउँदै यस्ता खालका कार्यक्रम विद्यालयले समय समयमा गर्नुपर्ने सुझाव दिए ।

विद्यालयका संस्थापक प्रिन्सिपल केशवशरण पौडेलको अध्यक्षतामा भएको कार्यक्रममा संस्थापक निर्देशक माधवशरण पौडेलले सञ्चालन गरेका थिए।