पोखरा, ६ असोज । भवानी आमा समूह पोखराको शनिवार सम्पन पाँचौ अधिवेशनले सीता कुँवरको अध्यक्षतामा नयाँ कार्य समिति चयन गरेको छ ।

समितिको निवर्तमान अध्यक्षमा श्रीमाया कुँवर, उपाध्यक्षमा समीक्षा कुँवर, सचिवमा इन्दिरा गौतम, कोषाध्यक्षमा मधु कुँवर र सहसचिवमा सपना कुँवर रहेका छन् । त्यस्तै, सदस्यमा इन्द्रा कुँवर, शीला कुँवर, विद्या मुल्मी, कविता केनोज, लक्ष्मी कुँवर, भीमकुमारी कुँवर, राममाया कुँवर, पवित्रा कुँवर, निर्मला थापा र सानुमाया कुँवर छन् । अधिवेशनले जसु कुँवर, उर्मिला कुँवर र अनिता पन्तलाई सल्लाहकार चयन गरेको छ । यसअघि पोखरा महानगरपालिका वडा ८ का वडाध्यक्ष रुद्रनाथ बरालले अधिवेशन उद्घाटन गरेका थिए । कार्यक्रममा आदर्श समाज दैनिककी व्यवस्थापक दुर्गादेवी बास्तोला, पोखरा महानगरपालिका वडा ८ का पूर्वअध्यक्ष वीरेन्द्रनारायण बिजुक्छे, सिद्वार्थ क्लबकी प्रथम उपाध्यक्ष पार्वती माकाजु, कुँवर समाज समितिका अध्यक्ष लालबहादुर कुँवर र शुभप्रभात बचत तथा ऋणका अध्यक्ष संजय कुँवर खाँणले बोेलेका थिए । भवानी आमा समूहकी अध्यक्ष श्रीमाया कुँवरको अध्यक्षतामा भएको कार्यक्रममा उपाध्यक्ष सीता कुँवरले स्वागत र सचिव समीक्षा कुँवरले संचालन गरेकी थिइन् ।