हेमजा, २ असोज। पोखरा-२५, हेमजामा सरोकार समिति गठन गरिएको छ ।

विकास निर्माणका योजना, सामाजिक सरोकारका विषय तथा समुदायको हकहितमा आवाज उठाउने उद्देश्यका साथ समिति गठन गरिएको हो ।

कृष्णबहादुर कुँवर संयोजक, चिरञ्जीवी अधिकारी सहसंयोजक रहेको समिति सदस्यमा कुलप्रसाद दाहाल, अर्जुन पौडेल, माधवशरण बास्तोला, रमा त्रिपाठी, माधवशरण पौडेल, मोतिराज तिम्सिना, भीमप्रसाद श्रेष्ठ, दामोदर त्रिपाठी, नवराज अधिकारी, विष्णुप्रसाद तिम्सिना, टमबहादुर रोका, कृष्णमान श्रेष्ठ र मदन थापा रहेका छन् ।

शनिवार बसेको एक भेलाले सो समिति गठन गरेको हो । उक्त भेलाले सुरुमा हाल हेमजामा निर्माण भइरहेको राजमार्ग चक्लाबन्दीको विषयमा अन्तक्रिर्या गर्ने र सोबाट प्राप्त निष्कर्षलाई सम्बन्धित कार्यालयसम्म पुर्‍याउने निर्णय गरेको छ ।