पोखरा, ३० भदौ । बलात्कारपछि हत्या गरिएकी कञ्चनपूरकी १३ वषिर्या बालिका निर्मला पन्तलाई न्याय दिन माग गर्दै पोखरामा शनिवार ‘निर्मलाका निम्ति न्याय’ भन्दै प्रदर्शन गरिएको छ ।
घटना भएको ५२ दिन बितिसक्दा पनि घटनाको छानबिन र दोषीलाई कारवाहीका लागि सरकार उदाशिन बनेको बिरोधमा कालो कपडा नै लगाएर प्रदर्शन गरिएको हो । प्रदर्शनमा ‘सरकारले देखायो लाचारी, त्यसैले खबरदारी’, ‘सरकार देखाउँ इच्छा, खै त महिलाई सुरक्षा ?’, ‘चुप लागेर नबसौ’, ‘न्याय मर्न नदिऔं र मौन बनेको सरकार, किन बढ्दैछ बलात्कार’ लेखिएका पर्चाहरु प्रदर्शन गरिएको थियो ।
पोखराको चिप्लेढुङ्गा मानव अधिकारचोकबाट शुरु भएको मौन प्रदर्शन महेन्द्रपुल चिप्लेढुंगा परिक्रमापछि पुनःमानव अधिकारचोक आएर कोणसभामा परिणत भएको थियो । प्रदर्शनमा सहभागिमध्ये अधिकांश युवायुवती थिए । प्रदर्शनलाई अधिकारकर्मी, संचारकर्मी र राजनीतिकर्मीहरुले पनि साथ दिए ।
कोणसभामा बोल्ने विभिन्न क्षेत्रका वत्ताहरुले बलात्कारका घटनाले समाज असुरक्षित बन्दै गइरहेकोभन्दै चिन्ता व्यक्त गरे । कोणसभामा बोल्दै समाजसेवी सरस्वती गुरुङले सरकार अझै गैर जिम्मेबार बनिरहे हरेक दिन सरकार बिरुद्व कालो कपडा लगाएर सिंहदरबारमा प्रदर्शन गरिने चेतावनी दिइन् ।
साहित्यकार सरस्वती प्रतिक्षाले बलात्कारका दोषीलाई कारबाही नगरेसम्म खवरदारी जारी राख्नु पर्ने उल्लेख गरिन् ।
प्राडा चन्द्र भद्राले महिलाले बाँच्न पाउने अधिकार हनन् हुन थालेको भन्दै चिन्ता व्यक्त गरिन् । अधिकारकर्मी सावित्री गौतमले महिला असुरक्षित हुँदा हिडडुल गर्ने अधिकारबाट समेत बञ्चित हुनुपर्ने अवस्था सृजना भएको उल्लेख गरिन् ।
कार्यक्रममा अधिकारकर्मी सरिता पूरी, लेखक गणेश पौडेल, अनिषा शाही, अञ्जना पौडेल, सौगात पोखरेल र डा. बसन्त गौतमलगायतले बोलेका थिए ।
Related News
सम्बन्धित समाचार
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
रुपाको अस्पताल र स्वास्थ्य बिमा बोर्डबीच सम्झौता
वन्यजन्तु सप्ताहमा चरा अवलोकन
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१