पोखरा, ३० भदौ।जैनस्थानक भवन एयरपोर्टमा पर्युषण पर्वको अवसरमा तपस्या गर्ने तपस्वीलाई तप अभिनन्दन कार्यक्रम सम्पन्न भएको छ।

अभिनन्दन कार्यक्रममा बोल्दै कास्कीका प्रमुख जिल्ला अधिकारी चन्द्रबहादुर बुढाले अहिले मानिसलाई शान्ति र आनन्द  खोजीरहेको सन्दर्भमा सन्त साधुहरुले प्रवचनका माध्यमबाट आध्यात्मिक र ज्ञानका कुरा दिनु सराहनीय रहेको बताए।

मानव मिलन संस्थाका संस्थापक नेपाल केशरी डा मणिभद्र मुनिजी महाराजको सानिध्यतामा भएको उक्त कार्यक्रममा तपस्वीहरु साधवी, अनुज्ञाजी महाराज, मोक्षिताजी महाराज, सावित्री शर्मा, दिपा शाह, कामना लम्साल, तारा अधिकारी, कमल सुवेदीलगायतका २२ जना तपस्वीलाई तप अभिनन्दन गरिएको थियो।

कार्यक्रमको सञ्चालन भवन व्यवस्थापन समितिका महासचिव सावित्री शर्माले गरेकी थिइन्।