बलात्कार अभियोगमा पाण्डे प्रहरीको नियन्त्रणमा

आदर्श समाज सम्वाददाता
भाद्र २९, २०७५

लेखनाथ, २८ भदौ ।कास्कीको पोखरा महानगरपालिका वडा नं ३१ मा ७० वषीया बृद्धालाई बलात्कार गर्न खोज्ने एक युवा प्रकाउ परेका छन् ।

बेगनासताल नजिक नहरचोकमा शर्मिला पौडेलको घरमा भाडामा बस्दै आएकी आँखा कम देख्ने बृद्धालाई घरमा कोही नभएको अवस्थामा सोही घरमा भाडामा बस्ने बर्ष ४५ का  रेबतीरमण पाण्डेले बुधवार दिउँसो बलात्कार गर्न खोजेको बुझिएको छ । तर पीडित परिवारबाट प्रहरीमा बलात्कृत भएको भन्दै पाण्डेलाई किटानी जाहेरी दिएका थिए ।

तीज मान्न श्रीमती माईत गएको बेला रक्सीले मातेका पाण्डेले बृद्धाको कोठा थुनेर जवरजस्ती गरेको पीडित पक्षको आरोप रहेको छ । एउटै घरको फरक फरक कोठामा वस्दै आएका पाण्डेले बृद्धाका छोरा सामान किन्न बजारतर्फ गएको समयमा ढोका थुनेर बलात्कारको प्रयास गरेको र पछि हल्ला भएपछि पाण्डे भागेका थिए ।

घटनापछि फरार रहेका पाण्डेलाई प्रहरीको सहयोगमा बिहीवार दिउँसो तनहुको आवुखौरेनीबाट पक्राउ गरी थप अनुसन्धानका लागि जिल्ला प्रहरी कार्यालय कास्की लगिएको डाँडाकोनाक प्रहरीचौकीका प्रमुख प्रहरी नायव निरीक्षक विष्णुबरसिंह थापाले जानकारी दिएका छन् ।

बलात्कार हो वा होइन भन्नेबारे वुझ्नका लागि बृद्धाको पोखरा श्वास्थ्य विज्ञान प्रतिष्ठानमा स्वास्थ्य परीक्षण गरिएको छ । रिपोट नआइपुगेकाले प्रयास मात्र हो वा बलात्कार नै हो भन्नेबारे अहिले नै भन्न नसकिने प्रहरीको भनाई छ ।

Related News

सम्बन्धित समाचार

  • प्लास्टिकजन्य फोहोर घटाउन पोखरा १२ अग्रसर

    आदर्श समाज सम्वाददाता चैत्र १४, २०७९
    पोखरा । सेन्टर फर इनर्जी एन्ड इन्भाइरोमेन्ट नेपाल र पोखरा १२ वडा कार्यालयबीच फोहोर न्यूनीकरणका सहकार्य गर्नेबारे सम्झौता भएको छ ।…
  • पोखरा १२ ले बनायो आफ्नै एप

    आदर्श समाज सम्वाददाता चैत्र १४, २०७९
    पोखरा । पोखरा वडा १२ ले डिजिटल सेवा प्रवद्र्धन गर्ने उद्देश्यले मोबाइल एप संचालनमा ल्याएको छ । घरमा वा जहाँसुकै…
  • पोखरामा सामुदायिक थियटरको माग

    विजय नेपाल चैत्र १४, २०७९
    पोखरा । कलाकार जसु गुरुङ पोखरा झर्दा पहिले पहिले यहाँ नाटक हुन्थ्यो भन्ने मात्र सुनेकी थिइन् । गण्डकी प्रज्ञा प्रतिष्ठान…
  • प्रहरी कार्यालयको भवन शिलान्यास

    आदर्श समाज सम्वाददाता चैत्र १४, २०७९
    लेखनाथ । इलाका प्रहरी कार्यालय डाँडाको नाकमा ६ कोठे पक्की भवन सोमबार शिलान्यास गरिएको छ । भवनको पोखरा २६ का…
  • अमरसिंहको ६७ औं वार्षिकोत्सव

    आदर्श समाज सम्वाददाता चैत्र १४, २०७९
    पोखरा । अमरसिंह नमुना माविको ६७ औं वार्षिकोत्सव, अभिभावक दिवस तथा पुरस्कार वितरण समारोह सम्पन्न भयो । समारोह उद्घाटन गर्दै…

hero news full width