राष्ट्रिय शिक्षा दिवसमा विद्यार्थी सम्मान

आदर्श समाज सम्वाददाता
भाद्र २५, २०७५

खैरेनीटार, २४ भदौ । ३९ औं राष्ट्रिय शिक्षा दिवस तथा अन्तर्राष्ट्रिय साक्षरता दिवस अवसरमा विद्यार्थीलाई सम्मान गरिएको छ ।

गत वर्षको एसर्इइ परीक्षामा जिपिए ३.९५ ल्याई उत्कृष्ट हुन सफल पञ्चमुनीदेव माविका मुस्कान भट्टराई र अरनीको माविकी सृष्टि राना, जिपिए ३.९० ल्याई तनहुँ जिल्लामा दोस्रो हुन सफल खैरेनी माविकी छात्रा स्मृति घिमिरे, सत्यवती माविकी छात्रा सोफिया थापा, राधा माविकी छात्रा सजना केशी, रामशाह माविका छात्र श्रीदीप कैनी र मेघदह माविकी छात्रा वीपसा थापालाई प्रमाणपत्र साथ सम्मान गरिएको थियो। यस्तै, व्यास नगरपालिकाले नगरपालिकाभरका विद्यालयमध्येबाट उत्कृष्ट हुन सफल विद्यार्थीलाई नगद सहित सम्मान गरेको छ ।

प्रतियोगितामा माहेन्द्री माविका छात्र बलराम खनाल प्रथम भएका थिए । सत्यवती माविकी छात्रा अईसा पन्त दोस्रो र चण्डीदेवी राष्ट्रिय माविकी छात्रा वीनिता सापकोटा तृतीय थिइन् । निर्णायकमा कल्पना लम्साल, कुमारकञ्चन जिसी र रामकुमार अधिकारी रहेका थिए ।

प्रमुख अतिथि प्रदेशसभा सदस्य दोबाटे विकले सपना नदेखी लक्ष्यमा पुग्न नसकिने बताए ।

कार्यक्रममा शिक्षा विकास तथा समन्वय इकाइ, तनहुँका प्रमुख रामप्रसाद शर्माले विद्यार्थीको क्षमता फरक फरक हुने बताए । उनले विद्यार्थीको चाहना अनुसार सिकाइ गराउनुपर्ने पनि जनाए ।

कार्यक्रममा व्यास नगरपालिकाकी उपप्रमुख नीरा जोशी, नगर शिक्षा समितिका सदस्य तथा वडा १४ का वडाध्यक्ष काजिमान श्रेष्ठ, सत्यवती माविका प्रधानाध्यापक इन्द्रप्रसाद पौडेल, नगर शिक्षा संघका वीरबहादुर बस्नेत, राष्ट्रिय शिक्षक संगठनका श्रीकान्त नागिला, राष्ट्रिय अखिल शिक्षक संगठनका अध्यक्ष गजेन्द्र पन्त, भरत बराल लगायत बोलेका थिए ।

व्यास नगरपालिकाका प्रमुख बैकुण्ठ न्यौपानेको अध्यक्षता रहेको कार्यक्रममा स्वागत स्रोतव्यक्ति नारायणदत्त पौडेल र संचालन मोहन खड्काले गरेका थिए ।

Related News

सम्बन्धित समाचार

  • मधेसमा ‘बोक्सी हुन्न’ अभियान

    आदर्श समाज सम्वाददाता भाद्र ३, २०७९
    हेमजा । मधेस प्रदेशका विभिन्न जिल्लामा ‘बोक्सी हुन्न’ अभियान संचालन गरिएको छ । मान्छे बोक्सी हुन्न कहिल्यै राष्ट्रिय जागरण प्रतिष्ठान…
  • भगिनी सम्बन्धको दुरुपयोग

    आदर्श समाज सम्वाददाता भाद्र ३, २०७९
    पोखरा । कास्कीको माछापुच्छ्रे गाउँपालिकाका बालकृष्ण गौतम जेठमा कोरिया गए । गाउँपालिकाले ‘सिजनल भिसा’ मा कोरिया जान सिफारिस गरेपछि उनी…
  • बाबुको निधनपछि १९ वर्षीया साधनाको उपचारमा सकस

    आदर्श समाज सम्वाददाता भाद्र २, २०७९
    लमजुङ । बेंशिसहर–८ की १९ वर्षीया साधना श्रेष्ठको उपचारमा आर्थिक अभाव सिर्जिएको छ । राइनोरियाका कारण उनको उपचारमा धेरै रकम…
  • नागरिक विधेयक प्रक्रियामा

    आदर्श समाज सम्वाददाता भाद्र २, २०७९
    पोखरा । प्रमाणीकरणका लागि पठाएको नागरिकता विधेयक राष्ट्रपतिले फिर्ता पठाएपछि उत्पन्न तरंग कसरी साम्य होला भन्ने संशयबीच सो विधेयकको पुनः…
  • मुग्लिन–पोखरा सडक विस्तार : पहिलो वर्षनै प्रगति न्यून

    रासस भाद्र १, २०७९
    काठमाडौं । ठेक्का अवधिको एक वर्ष बित्नै लाग्दा पृथ्वीराजमार्ग (मुग्लिन–पोखरा) सडकको हालसम्मको प्रगति दुई प्रतिशतको हाराहारी छ । चार लेन…

hero news full width