हेेमजा, २४ भदौं ।शिक्षा युवा तथा खेलकुद शाखा अन्नपूर्ण गाउँपालिकाले ३९ औं राष्ट्रिय शिक्षा दिवस तथा अन्तराष्ट्रिय साक्षरता दिवस दुर्इदिनसम्म विविध कार्यक्रम गरी मनाएको छ ।

दिवसकै उपलक्ष्यमा शाखाले उत्कृष्ठ ३ सामुदायिक र १ संस्थागत विद्यालयका व्यवस्थापन समितिका अध्यक्ष, उत्कृष्ठ ३ सामुदायिक र १ संस्थागत माध्यमिक तहका शिक्षक, निम्नमाध्यमिक तहका शिक्षक ३, प्राथमिक तहका ४, बाल शिक्षक ३ तथा विद्यालय सहयोगी ३ जनालाई सम्मान गरेको छ ।

त्यस्तै र्एसइर्इ परीक्षा २०७४ मा सामुदायिक विद्यालयबाट सर्वोत्कृष्ठ माछापुच्छे्र माविकी छात्रा अमृता अधिकारी र सिर्जना माविका छात्र विजय अधिकारी तथा गाउँपालिका भरमै सवोर्त्कृष्ठ ग्रेड ल्याउन सफल मर्निङस्टार माविका छात्र सुवास सुवेदी र छात्रा कविता पौडेललाई पनि सम्मान गरिएको छ ।

उक्त कार्यक्रममा प्रमुख अतिथी उपमहालेखा परीक्षक राममाया कुँवर, पाठ्यक्रम विकास केन्द्रका निर्देशक विष्णुप्रसाद अधिकारी, सम्मानित शिक्षकहरुको तर्फबाट परशु आधारभूत विद्यालयका प्रधानाध्यापक तुलसीप्रसाद अधिकारी, विभिन्न शिक्षक संगठनका प्रतिनिधि, विद्यार्थी लगायतले आ-आफ्नो भनाई राखेका थिए । शाखाले दिवसकै अवसरमा शुक्रवार माध्यमिक तहस्तरीय निबन्ध र चित्रकला प्रतियोगिता पनि आयोजना गरेको थियो ।

गाउँपालिका अध्यक्ष युवराज कुँवरको अध्यक्षतामा संचालित उक्त कार्यक्रममा उपाध्यक्ष सगुन गुरुङले स्वागत तथा कार्यक्रमको संचालन गाउँ शिक्षा अधिकारी बलराम भुगाईले गरेका थिए ।