सोह्रश्राद्धभर पितृ पुराण महायज्ञ हुने

आदर्श समाज सम्वाददाता
भाद्र १४, २०७५

लेखनाथ, १३ भदौ। पोखरा महानगरपालिका वडा ३२, लामेआहालस्थित सेती नदीको किनार नयाँ वस्ती र श्यामघाटमा सोह्रश्राद्ध अवसरमा १६ दिने पितृ मोक्ष महायज्ञ हुने भएको छ।

कालिका मन्दिर व्यवस्थापन समितिको आयोजनामा महायज्ञ गर्न लागिएको वुधवार पत्रकार सम्मेलनको आयोजना गरी जानकारी गराइएको हो।

भागवत्रसिक युवागुरु तथा महायज्ञका संकल्पकर्ता ऋषिराम महाराजको मुखारविन्दबाट कथा वाचन हुनेछ । महायज्ञमा संकलित रकमलाई प्रचार प्रसारको कमीले ओझेलमा परेको कालिका मन्दिरको सर्वाङ्गीण विकासमा खर्च गरिने बताएको छ । सोह्र श्राद्धमा घरमा भन्दा नदीको तटमा गएर गरिने पितृ कार्यले दश गुणा बढी फल पाइने शास्त्र विश्वासअनुरुप यज्ञअवधिमा कास्की र तनहुँका धेरै श्रद्धालु भक्तजनहरु आउने महायज्ञका मुल संयोजक विमला थापा बस्नेतले जानकारी दिएकी छन्।

असोज ९ देखि २३ गतेसम्म चल्ने महायज्ञमा संगीतमय वातावरणमा पुराण वाचन, झाँकी प्रदर्शन, राष्ट्रिय कलाकारद्वारा भजन कीर्तन, सवा करोड द्वीप प्रज्ज्वलन लगायत कार्यक्रम हुने प्रचार प्रसार उपसमिति संयोजक गणेशबहादुर केसीले बताए।

महायज्ञमा १००८ शाल्रि्रामको दर्शन गर्ने व्यवस्था समेत रहेको सल्लाहकार रामचन्द्र सिग्देलले बताए ।

महायज्ञ सफल पार्न विभिन्न १२ वटा विभिन्न उपसमिति गठन गरी तयारी अघि बढाइएको छ ।

Related News

सम्बन्धित समाचार

  • कञ्चन क्यापिटलको पाँचौं वार्षिकोत्सव

    आदर्श समाज सम्वाददाता असार ७, २०८१
    पोखरा । कञ्चन क्यापिटल प्रालिले रक्तदान, सम्मान, पुरस्कार वितरणलगायत कार्यक्रम गरी पाँचौं वार्षिकोत्सव मनाएको छ । मंगलबार आयोजित रक्तदानमा ५६…
  • पोखरा आदर्शमा एकल नृत्यको अडिसन राउन्ड पूरा

    आदर्श समाज सम्वाददाता असार ७, २०८१
    पोखरा । नृत्य निर्देशक संघ नेपाल, गण्डकी प्रदेशको आयोजनामा सञ्चालन हुने खुला एकल नृत्य प्रतियोगिताको अडिसन राउन्ड पोखरा आदर्श सेकेन्डरी…
  • ‘शास्त्रीय मर्यादा कायम राखौं’

    आदर्श समाज सम्वाददाता असार ७, २०८१
    पोखरा । शास्त्रीय मर्यादा कायम राख्नुपर्नेमा जोड दिइएको छ । नेपाल ज्योतिष परिषद् कास्कीले बुधबार पोखरामा आयोजना गरेको पूर्वीय वाङ्मय…
  • पोखरा सुधारको माग

    आदर्श समाज सम्वाददाता असार ७, २०८१
    पोखरा । नेकपा एमाले पोखरा महानगर समितिले पोखरा महानगरपालिका प्रमुख धनराज आचार्यलाई विभिन्न मागसहित ध्यानाकर्षण पत्र बुझाएको छ । एमाले…
  • स्टेप बाइ स्टेप माविमा हाजिरीजवाफ

    आदर्श समाज सम्वाददाता असार ६, २०८१
    पोखरा । स्टेप बाई स्टेप मावि मासबार, पोखराले आफ्नो वार्षिक कार्यतालिका अनुसार कक्षा ८ देखि १० कक्षासम्मका विद्यार्थीबीच हाजिरीजवाफ प्रतियोगिता…

hero news full width