पाल्पा, ९ भदौ । लुम्बिनी मेडिकल कलेज, पाल्पाले वाषिर्क मूल्याङ्कनमा आएको टोलीलाई झुक्काउन यस वर्ष पनि भाडाका बिरामी प्रयोग गरेको पाइएको छ। विगत वर्षमा जस्तै अनुगमन समयमा भाडाका बिरामीले अस्पताल भरेर प्रभावित पर्ने कार्य दोहोर्याएको हो।
काठमाडौ विश्वविद्यालय र नेपाल मेडिकल काउन्सिलको ४ सदस्यीय अनुगमन टोलीले २ दिनसम्म कलेजको अनुगमन गरेको थियो।
टोलीको प्रतिवेदनका आधारमा कलेजले पढाउन पाउने एमविविएस र एमडिको विद्यार्थी संख्या र विशेषज्ञ सेवा संचालन कटौती समेत हुन सक्ने भएकाले कलेजले यस्तो गरेको पाइएको छ । बिरामी संख्या र चाप, भौतिक पूर्वाधार, उपलब्ध जनशक्ति र गुणस्तर लगायत विषय अनुगमनमा हेरिने गर्दछ।
कलेजले तानसेन नगरपालिका, बगनासकाली गाउँपालिका, रिव्दीकोट गाउँपालिका र माथागढी गाउँपालिकाबाट कर्मचारी मार्फत भाडामा बिरामी २ दिनसम्म ल्याइएको स्रोतले जनाएको छ। केहीलाई एक दिन भर्ना गरेर राखियो भने केहीलाई ओपिडीमा उपचार गरेर घर पठाइएको थियो। कलेजले भाडा ल्याएका नक्कली बिरामीलाई दैनिक खाना, खाजा र ५ सयदेखि १ हजार रुपैयाँसम्म ज्याला र यातायातको सुविधा दिएको स्वयं बिरामीले बताए। कलेजको नियमित अनुगमन हो र अनुगमनको पूर्व सूचना हुँदैन । दैनिक ७ सयभन्दा बढी बिरामी उपचारमा आउने गरेका छन् । त्यसैले भाडामै बिरामी ल्याउनु पर्ने अवस्था नभएको कलेजका प्रशासकीय अधिकृत कृष्णप्रसाद पराजुलीले दावी गर्छन् ।
कलेजले निःशुल्क स्वास्थ्य उपचार र विशेषज्ञ शिविर चलेको छ भनी झुक्काएर बिरामी ल्याउने गरेको हो। भाडाका बिरामी ल्याउन सामाजिक सेवा युनिट शाखा स्थापना गरिएको छ भने स्थानीय अगुवाहरु परिचालन र रोजगारी समेत दिएको छ।
टोलीले बिरामी संख्यसँगै कलेजको शैया संख्या, संचालित विशेषज्ञ सेवा, उपलब्ध चिकित्सक र प्राध्यापक, संचालित उपकरणहरु र भौतिकपूर्वाधारको अवलोकन पश्चात प्रतिवेदन दिने चलन छ। हरेक वर्ष असारदेखि भदौ महिनाबीचमा गरिने अनुगमनले कलेजले दिँदै आएको सेवा र पढाउन पाएको विद्यार्थी संख्यो निर्धारण गर्दछ। जानकारका अनुसार अनुगमन टोलीले पूर्व सूचना दिने र उनीहरुकै अप्रत्यक्ष सहमतिमै यस्तो कार्य हुने पुरानो रोग भएको बताउँछन्।
कलेजमा विशेषज्ञ सेवाहरु संचालन भए पनि बिरामीको आकर्षण भने खासै नभएपछि बिरामी ल्याउनकै लागि विभिन्न गतिविधिहरु गर्ने गर्दछ।
हाल कलेजमा ५ सय ३५ शैया रहेको र यहाँ नर्सिङदेखि एमविविएस, एमडी पढाइने हुने गरेको छ।
Related News
सम्बन्धित समाचार
डाक्टरले छाडे अस्पताल, चर्काए आन्दोलन
काठमाडौं म्याराथनमा इनड्राइभको सहकार्य
तिब्बती शरणार्थीसँग त्रसित चीन
साढे २३ करोडमा सभागृह निर्माण
वात्स्यायनलाई पद्मश्री साधना सम्मान, मनुलाई पद्मश्री साहित्य पुरस्कार र सुरेशराज शर्मालाई पद्मश्री गौरव पुरस्कार
hero news full width
मुख्य समाचार
मापदण्डपिरीतका संरचना ६ महिनाभित्र हटाऊ
मनिपाल घटनापछि प्रदेशभर ओपिडी सेवा ठप्प
असाेज १०, २०८०१९ औं एसियाली खेलकुद : २२८ पदकको छिनोफानो, नेपाल पदकविहीन
असाेज १०, २०८०तनहुँमा डेंगु संक्रमणबाट ३ जनाको मृत्यु
असाेज ९, २०८०पोखरामा खटिए नयाँ नगर प्रहरी
असाेज ८, २०८०घान्द्रुक होटलका पायोनियर
असाेज ८, २०८०