पोखरा, ४ भदौ। नेल्टाको आयोजना तथा पशु सेवा तालिम केन्द्र पोखराको व्यवस्थापनमा पशु प्रजनन् तथा कृतिम गर्भाधानसम्बन्धी तालिम सोमबारदेखि शुरु भएको छ।

प्राईभेट पाराभेटहरु लागि आयोजित तालिम १४ गतेसम्म चल्ने छ। तालिममा नवलपरासी, रुपन्देही, काभ्रे, धादिङ, ललितपुर, चितवन, तनहुँ र कास्कीका १४ जना सहभागी छन्।

तालिम उद्घाटन गण्डकी प्रदेशसभा सदस्य विन्दुकुमार थापाले गरेका थिए। त्यस अवसरमा पशु सेवा निर्देशनालय पोखराका निर्देशक डा मनबहादुर पुन, पशुपक्षी रोग अन्वेषण प्रयोगशालाका वरिष्ठ पशु चिकित्सक डा केदारराज पाण्डे, राष्ट्रिय पशु प्रजनन् कार्यालय पोखराका निमित्त कार्यालय प्रमुख शिवनाथ महतो, पशु सेवा तालिम केन्द्र पोखराका वरिष्ठ तालिम अधिकृत डा विजयकुमार श्रेष्ठले बोलेका थिए।

नेल्टा कास्कीका अध्यक्ष ठगेन्द्रप्रसाद अर्यालको अध्यक्षतामा सम्पन्न कार्यक्रममा केन्द्रीय महासचिव सुरेशकुमार श्रेष्ठले स्वागत र केन्द्रीय सदस्य डिल्लीराम रेग्मीले संचालन गरेका थिए।