महिला आत्मनिर्भर बन्नुपर्छ : सांसद गुरुङ

आदर्श समाज सम्वाददाता
भाद्र ३, २०७५
mina

पोखरा, २ भदौ। गण्डकी प्रदेशका सांसद मीना गुरुङले महिला सक्षम हुनुपर्नेमा जोड दिएकी छन्। वरिष्ठ सौन्दर्यकर्मी समेत रहेकी सांसद गुरुङले अब कसैसँग पैसा माग्नुभन्दा स्वयं सक्षम भएर अरुलाई दिन सक्नुपर्ने बताइन्।

राष्ट्रिय सौन्दर्यकर्मी युनियन नेपालको शनिबार भएको मिस एण्ड मिसेस तीज-२०७५ उद्घाटन सत्रमा बोल्दै सांसद गुरुङले महिला अब व्यावसायिक हुँदै आत्मनिर्भर बन्न सुझाव दिइन्।

समाज परिवर्तनको लागि महिला एक हुनुपर्ने उनले बताइन्। सौन्दर्य क्षेत्रमा लागेका महिलाको शक्तिकरणको लागि युनियनले विगतदेखि विभिन्न कार्यक्रम गर्दै आएको सांसद गुरुङको भनाइ थियो।

युनियनका केन्द्रीय अध्यक्ष सुमन गुरुङको अध्यक्षतामा सम्पन्न भएको उक्त कार्यक्रममा ब्रहृ्रकुमारी इश्वरीय विश्वविद्यालय पार्दीकी अप्सरा दिदी, पत्रकार महासंघ कास्कीका सहसचिव दीननाथ बराल, जिफन्टकी हीरु पुन, युनियनका महासचिव पवि गुरुङ लगायतले महिला अब स्वरोजगार बन्नुपर्ने बताए ।

सो अवसरमा संस्थाले युनियन पर्वतले सांसद गुरुङलाई सम्मान गरेको छ भने सांसद गुरुङले कुशल संगठनबाट केन्द्रिय महासचिव पवि गुरुङ, क्रियाशील सदस्यबाट नूर गुरुङ र उर्जाशील सदस्यबाट युनियन पर्वत अध्यक्ष कमला पौडेललाई सम्मान गरिन् ।

सो अवसरमा भएको मिस क्याटवाक उपाधि जेनिसा गुरुङ र मिसेस क्याट वाकको उपाधि सृजना लामाले हात पारे । उत्कृष्ट नृत्यमा हीरा भण्डारी घोषित भइन्।

कार्यक्रममा तीज अवसरमा युनियनले आफ्ना सदस्यलाई दर खुवाएको थियो। कार्यक्रमको प्रायोजन हङकङ व्युटी इन्स्टिच्युट प्रालि तथा क्लारा इन्टरनेश्नल स्पा एवं व्युटी कलेजले गरेको थियो ।

Related News

सम्बन्धित समाचार

  • रत्न मन्दिरको गेट खुल्यो, पहिलो दिन सर्बसाधारणको भीड

    धनबहादुर गुरुङ जेठ १५, २०८०
    पोखरा । गणतन्त्र दिवसका दिन फेवा किनारको रत्न मन्दिर सर्वसाधारणका लागि खुला गरिने सूचना केही हप्ता अघिदेखि नै सञ्चार माध्यममार्फत्…
  • कौसी खेतीमा पोखरा महानगरको जोड

    आदर्श समाज सम्वाददाता जेठ १५, २०८०
    पोखरा । पोखरा महानगरपालिकाले आगामी वर्षको बजेटमा कौसी खेती र करेसा खेतीलाई जोड दिने बताएको छ । पोखरा महानगरपालिकाकी उपप्रमुख…
  • चापापानी टोल विकासमा प्रेम

    आदर्श समाज सम्वाददाता जेठ १५, २०८०
    पोखरा । पोखरा महानगरपालिका १२ चापापानी टोल विकास संस्थाको आमभेलाले प्रेमबहादुर कार्कीको अध्यक्षमा नयाँ कार्य समिति सर्वसम्मत चयन गरेको छ…
  • सिर्जनशीलमा प्राज्ञिक लेखन र भाषा साहित्य गोष्ठी

    आदर्श समाज सम्वाददाता जेठ १५, २०८०
    पोखरा । सिर्जनशील लोकतान्त्रिक प्रतिष्ठान, पोखराको आयोजनामा जेठ १२ र १३ गते प्राज्ञिक लेखन कार्यशाला तथा भाषा साहित्य विषयक गोष्ठी…
  • सेतीकालीको प्रथम मुखपत्र विमोचन

    आदर्श समाज सम्वाददाता जेठ १५, २०८०
    पोखरा । सेतीकाली साहित्य संगम भीमादले नव वर्षको अवसरमा सेतीकाली साहित्य यात्रा प्रथम मुखपत्र विमोचन गरेको छ । गीतल प्रतिष्ठान…

hero news full width