आध्यात्मको विकास जरुरी : मुख्यमन्त्री

आदर्श समाज सम्वाददाता
श्रावण ३०, २०७५

लमजुङ, २९ साउन। गण्डकी प्रदेशका मुख्यमन्त्री पृथ्वीसुब्बा गुरुङले आध्यात्मको विकास जरुरी रहेको बताएका छन्। उनले करापुटारस्थित इशानेश्वर महादेव मन्दिरमा दर्शन तथा पुनःनिर्माणको स्थिति अवलोकनका अवसरमा आयोजित कार्यक्रममा त्यस्तो बताएका हुन्।

‘आध्यात्मिक भावनाको विकास गर्न सकेमात्र वास्तविक रूपमा समृद्धि हासिल हुन्छ’, उनले भने, ‘मानवीय विकासका लागि आध्यात्मको जरुरी छ, भौतिक विकासले मात्र समाज समृद्ध हुँदैन’।

प्रदेशमा रहेका धार्मिक क्षेत्रको विकास गरी पर्यटन प्रवर्द्धन गर्ने प्रदेश सरकारको नीति रहेको जानकारी दिँदै उनले अध्यात्मको विकासले सामाजिक सेवा र एकताको भावना जागृत हुने विश्वास व्यक्त गरे। उनले सरकारले सामाजिक विकासका योजना अघि सारेको बताए।  इशानेश्वर महादेवको महिमाको प्रवद्धन हुन नसकेको भन्दै उनले ठोस योजना बनाएर अघि बढ्न प्रदेश सरकार तयार रहेको बताए  त्यसका लागि इशानेश्वर क्षेत्रको विकास र प्रवर्द्धनमाका लागि उचित योजना बनाएर आउन उनलेर्र् इशानेश्वर क्षेत्र विकास समितिलाई आग्रह गरे। मुख्यमन्त्री गुरुङले प्रदेशमा अध्यात्म पर्यटनको विकास गर्ने योजना रहेको, धार्मिक पर्यटनको विकास मार्फत स्थानीयबासीको आयआर्जन हुनुपर्नेमा जोड दिए।

गण्डकी प्रदेशका प्रमुख सचिव नारायणप्रसाद विडारीलेर्र् इशानेश्वर महादेवको महिमा अन्यत्र नरहेको बताउँदै यसको व्यवस्थापन गर्नुपर्ने बताए। मध्यनेपाल नगरपालिकाका मेयर रमेश पाण्डेले मुख्यमन्त्री गुरुङले देखेको समृद्धिको सपना सबै प्रदेशवासीको सपना भएको बताए। उनले प्रदेश सरकारसँग हातेमालो गर्दै अघि बढ्न नगरपालिका तयार रहेको भन्दै अब समृद्ध नगरपालिका र प्रदेश बनाउने गरी अघि बढ्ने बताए।

इशानेश्वर क्षेत्र विकास समिति अध्यक्ष रामचन्द्र घिमिरे शास्त्रीको अध्यक्षतामा भएको कार्यक्रममा मध्यनेपाल नगरपालिकाका उपमेयर राजकुमार श्रेष्ठ, क्होंलासोँथर गाउँपालिकाका उपप्रमुख कुमारीमुनी गुरुङ लगायत स्थानीय जनप्रतिनिधी र भक्तजनहरूको उल्लेख्य उपस्थिति थियो।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width