बन्दले जनजीवन प्रभावित

आदर्श समाज सम्वाददाता
श्रावण ३०, २०७५
banda

पोखरा, २९ साउन । नेत्र विक्रम चन्द नेपाल कम्युनिष्ट पार्टिे मंगलबार आहृवान गरेको नेपाल बन्दको कारण जनजीवन प्रभावित बन्यो । बन्दका कारण गण्डकी प्रदेशमा छिटपुट घटनाबारे कुनै अप्रिय घटना हुन पाएन ।

पोखरा तालचोकस्थित धर्मकाटा अगाडि पृथ्वी राजमार्ग सडकमा सर्वसाधारण तर्साने गरी बम राखिएकोमा सुरक्षाकर्मीले डिस्पोज गरेको छ । बिहान ११ बजेतिर स्थानीयले देखेर प्रहरीलाई खबर गरे पश्चात कालिभञ्ज्याङ गण, विजयपुरको बम डिस्पोजल टोलीले करिब १ घण्टामै सो शंकास्पद वस्तु पहिचान गरी डिस्पोज गरेको मेजर बलबहादुर थापाले बताए ।

बारुद बाहेक अधिकांश सकेट बममा प्रयोग हुने वस्तु प्रयोग गरी तर्साने गरी सडकमा भेटिएको शंकास्पद वस्तु होक्सबम भएको मेजर बताए। सोका कारण उक्त क्षेत्रमा स्थानीय त्रसित भएका थिए ।

विप्लव माओवादीको बन्दक्रममा यस्तो बम भेटिनु माओवादी कार्यर्कर्ताले नै गरेको हुन सक्ने प्रहरीले अनुमान गरेको छ । यद्यपि यसबारे अनुसन्धान भइरहेको कास्कीका प्रहरी प्रमुख एसपी ओमबहादुर रानाले बताए ।

यता, बन्दका कारण पोखरा क्षेत्रमा सवारीसाधन, स्कूल, कलेज, उद्योगधन्दा, व्यापार व्यवसाय बन्द रहे । लामो तथा छोटो दुरीका सवारी नचल्दा सर्वसाधारणले दुःख पाए । निजी सवारीसाधन भने सडकमा बाक्लै चलेको पाइन्थ्यो । बिहान पानी परेकोले पनि सडक सुनसान जस्तै थियो । अप्रिय घटना हुन नदिन नगरका चोकचोकमा सुरक्षाकर्मी तैनाथ थिए । बेलुका ५ बजेपछि भने सवारीसाधन पूर्व रुपमा संचालनमा आए ।

बन्दको प्रभाव बागलुङ बजारमा पनि परेको छ । बन्दले सदरमुकाममा रहेका सामुदायिक तथा निजी विद्यालय दिनभर बन्द भए । बागलुङबाट चल्ने लामो दुरीको छोटो दुरीको कुनै पनि सवारीसाधन चलेनन् ।सामान्य रूपमा मोटरसाइकल भने चलिका थिए ।

सवारीसाधन नचलेपछि टाढाटाढा गन्तव्यमा जाने यात्रु मर्कामा परेका छन्। बन्दकै कारण बैंक तथा बित्तिय संस्था समेत प्रभावित बनेको छ।

प्रहरीले नक्कली बम राखेर नागरिकलाई झुक्याउने ३ जनालाई ललितपुरमा पक्राउ गरेको छ। पक्राउ परेका बन्दकर्तालाई प्रहरीले थप अनुसन्धान गरिरहेको महानगरीय प्रहरी परिसर ललितपुरका प्रवक्ता प्रहरी नायव निरीक्षक नरेन्द्र चन्दले बताए।

जिल्लाका ४ स्थानमा प्रेसर कुकरमा नक्कली बम राखेको उनले बताए। बिहान ग्वार्को, ताल्छिखेल र बटुकभैरबमा नक्कली बम राखेको पाइएको थियो। दिउँसो कुपण्डोलमा नक्कली बम भेटियो ।

नेकपाका केन्द्रीय नेता खड्कबहादुर विश्वकर्मा लगायत आफ्नो नेता तथा कार्यकर्तालाई प्रहरीले पक्राउ गरेको विरोधमा बन्द आहृवान गरिएको थियो ।

Related News

सम्बन्धित समाचार

  • हर्पनकोट माविमा छात्रवृत्ति वितरण

    आदर्श समाज सम्वाददाता जेठ २४, २०८०
    हेमजा । पूर्व पर्यटन राज्यमन्त्री महादेव गुरुङले विद्यार्थीले गर्ने अतिरिक्त क्रियाकलापको पनि मूल्यांकन हुनुपर्ने बताएका छन् । पोखरा २३ स्थित…
  • फेवातालमा एक युवक मृत फेला, २ दिनसम्म भएन पहिचान

    आदर्श समाज सम्वाददाता जेठ २३, २०८०
    पोखरा । पोखराको फेवातालमा एक युवक मृत फेला परेका छन् । अन्दाजी ४५ वर्षीय ती पुरुषको पहिचान खुल्न सकेको छैन…
  • सामुदायिक विद्यालयका कर्मचारीकाे लगातार धर्ना

    आदर्श समाज सम्वाददाता जेठ २३, २०८०
    पोखरा । नेपाल विद्यालय कर्मचारी परिषद्ले शिक्षा विकास तथा समन्वय इकाइमा लगातार धर्ना जारी राखेको छ । परिषद् कास्कीले पनि पोखराको…
  • कृष्णमणिलाई वातावरण पत्रकारिता पुरस्कार

    आदर्श समाज सम्वाददाता जेठ २३, २०८०
    पोखरा । पत्रकार कृष्णमणि बरालले वातावरण पत्रकारिता पुरस्कार–२०२२ पाउने भएका छन् । नेपाल वातावरण पत्रकार समूह (नेवापस) ले ‘विश्व वातावरण…
  • रास्वपा पोखरा २६ गठन

    आदर्श समाज सम्वाददाता जेठ २२, २०८०
    पोखरा । पोखरा २६ मा राष्ट्रिय स्वतन्त्र पार्टीको वडा भेलाले वैकुण्ठ बरालको अध्यक्षतामा तदर्थ वडा समिति गठन गरेको छ ।…

hero news full width

Recent Posts

भर्खरै