दाह्री ग्याङको रक्तदान

आदर्श समाज सम्वाददाता
श्रावण ३०, २०७५
blood dari

पोखरा, २९ साउन । दाह्री ग्याङ पोखराका सदस्यले आयोजना गरेको बृहत रक्तदान कार्यक्रममा २ सय १ युनिट रगत संकलन भएको छ ।

अन्तर्राष्ट्रिय युवा दिवस सर्न्दर्भ पारेर आयोजित रक्तदान कार्यक्रममा दाह्री पाल्ने र सौखिन युवालाई युवतीले समेत साथ दिएका थिए । गत वर्ष झैं यसपटक पनि दाह्री ग्याङ पोखराले सोमबार बोलबमको अन्तिम दिन केदारेश्वर मन्दिरको मूलद्वार अघि सो कार्यक्रम गरेको हो ।

प्रमुख अतिथि इन्सेक गण्डकी प्रदेश संयोजक शिव खकुरेलले दाह्री पाल्ने र मन पराउने युवा एकताबद्ध भई वर्षेनी यस्तो कार्यक्रम गर्नु अत्यन्त प्रशंसायोग्य रहेको बताए ।

उनले पहिलो रक्तदाता नेपाल स्वयंसेवी रक्तदाता समाज, कास्की अध्यक्ष तीर्थराज अवस्थीलाई ब्लडब्याग हस्तान्तरण गरी कार्यक्रमको शुभारम्भ गरेका थिए । अवस्थीले ५४ औं पटक रक्तदान गरेका हुन् ।

कार्यक्रममा रेडक्रस सोसाइटी कास्की सभापति डण्डराज शर्मा, क्षेत्रीय रक्तसञ्चार सेवा, पोखराका अर्जुन ज्ञवाली लगायतले बोलेका थिए ।

कार्यक्रममा दृष्टिविहीन सम्राट गौतमले १३ औं पटक रक्तदान गरे भने कान्छो सक्रिय सदस्य आशिष पुरी १८ वर्ष पूरा भएपछि पहिलो पटक रक्तदान गरे ।

समूहका संयोजक वसन्त पहारीको अध्यक्षतामा भएको कार्यक्रममा स्वागत संस्थापक संयोजक शेखर गौतमले गरेका थिए । कार्यक्रम सञ्चालन देउता पौडेल र विक्रम पाण्डेले संयक्त रुपमा गरेका थिए ।  कार्यक्रमलाई क्षेत्रीय रक्तसञ्चार र मूलथोक टोल बिकास संस्थाको सहयोग गरेको थियो ।

Related News

सम्बन्धित समाचार

    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…
    • अम्बिका भागवत् फाउन्डेसनको सहयोग

      आदर्श समाज सम्वाददाता वैशाख २६, २०७९
      पोखरा । अम्बिका भागवत् फाउन्डेसन पोखराको आयोजनामा पोखरा–३१, आनन्दज्योति माविमा विद्यार्थीलाई स्कुल ड्रेस र शैक्षिक सामग्री वितरण गरिएको छ ।…
    • गठबन्धनले सबैभन्दा फाइदा कांग्रेसलाईः देउवा

      प्रकाश ढकाल वैशाख २६, २०७९
      पोखरा । नेपाली कांग्रेसका सभापति शेरबहादुर देउवाले गठबन्धन बनेपछि कांग्रेसलाई देशैभरि फाइदा भएको बताएका छन् । देशभर सरकार गठन गठबन्धनका…
    • डिप्लोमा इन्जिनियर्समा अनिल

      आदर्श समाज सम्वाददाता वैशाख २४, २०७९
      पोखरा । डिप्लोमा इन्जिनियर्स एसोसिएसन नेपाल (डिन), कास्कीले शुक्रबार ११ औं जिल्ला अधिवेशन सम्पन्न भएको छ । अधिवेशनले अनिलप्रसाद आचार्यको…
    • ‘महानगरका पाँच वर्ष’ विमोचन

      आदर्श समाज सम्वाददाता वैशाख २३, २०७९
      पोखरा । पोखरा महानगर बनेपछि जनप्रतिनिधिले जिम्मेवारी सम्हालेको ५ वर्ष पुग्नै लागेको छ । यस अवधिमा महानगरले गरेका नीतिगत निर्णय,…

    hero news full width