पोखरा, २७ साउन । मनसुन कप पोखरा भेट्रान ओपन टेनिस प्रतियोगिताको उपाधि विकास गुरुङ र धरमबहादुर लामिछानेको जोडीले जितेको छ। कास्की जिल्ला टेनिस संघले आयोजना गरेको सो प्रतियोगिताको शनिबार भएको फाइनलमा लोक गुरुङ र राजन पौडेलको जोडीलाई ६-२, ६-४ को सोझो सेटमा पराजित गर्दै सो जोडीले उपाधि जितेको हो ।प्रतियोगिताका विजेता तथा उपविजेता खेलाडीले ट्रफी प्रमाणपत्र पुरस्कार प्राप्त गरे।

संघका सल्लाहकार समीर शेरचन, वसन्त प्रधान, डाँडाकोनाक प्रहरी चौकीका प्रमुख प्रहरी नायब उपरीक्षक विष्णुवरसिंह खड्का लगायतले पुरस्कार वितरण गरेका थिए। संघका सदस्य नवीन चालिसेले सञ्चालन गरेको कार्यक्रममा कोषाध्यक्ष राजु गुरुङले धन्यवाद ज्ञापन गरे। १८ जोडीले भाग लिएको प्रतियोगिता ५ दिनसम्म पोखरा रंगशालामा चलेको थियो ।