पोखरा, २३ साउन। पोखरा-१५, ढुङ्गोसाँघुस्थित सिद्धेश्वर शिव मन्दिरमा शिव महापुराण ज्ञानयज्ञ २०७५ शुरु भएको छ।
सिद्धेश्वर भजन मण्डल तथा संरक्षण समितिद्वारा आयोजित महायज्ञको प्रतिनिधि सभाका सांसद सूर्यबहादुर केसीले बुधवार एक समारोहबीच उद्घाटन गरे।
मन्दिरका संरक्षक एवम् ज्ञानयज्ञका प्रमुख कमलनयन गौतमले हिन्दू संस्कृतिको संरक्षण गर्नुपर्ने बताउँदै साउन महिना शिवको महिमा भएकाले वाषिर्क अनुष्ठानको रुपमा ज्ञान यज्ञ सञ्चालन हुँदै आएको बताए।
कार्यक्रममा पोखरा-१५ का वडाध्यक्ष प्रकाश पौडेल, मन्दिरका सहसंरक्षक रोमबहादुर भण्डारी, ब्रÞमाकुमारी इश्वरीय विश्वविद्यालय रामबजारकी सञ्चालिका ब्रहमाकुमारी गोमा, समितिका सल्लाहकार मीनबहादुर केसी, समाजसेवी वैद्य मीना केसीले शुभकामना मन्तव्य राखेका थिए।
सिद्धेश्वर भजन मण्डल तथा संरक्षण समितिका अध्यक्ष हरिबहादुर पराजुली थापाको अध्यक्षतामा भएको सो कार्यक्रममा उपाध्यक्ष चित्रबहादुर भण्डारीले स्वागत मन्तव्य राखेका थिए।
कोषाध्यक्ष लीलाबहादुर भण्डारीको धन्यवाद ज्ञापन रहेको कार्यक्रम सञ्चालन सचिव मोहनकुमार भण्डारीले गरेका थिए। कार्यक्रम अघि विभिन्न आमा समूहहरु, विद्यालयका शिक्षक छात्रछात्रा, परोपकार गुरुकुल आश्रमका बटुकहरु, सिद्धेश्वर भजन मण्डल, स्थानीय टोल विकास संस्था, ब्रÞमाकुमारी इश्वरीय विश्वविद्यालय रामबजार शाखा र विभिन्न संघसंस्थाको प्रतिनिधिहरु सहभागी पञ्चेबाजासहितको र्याली मन्दिरबाट शुरु भई ढुंगेसाँघु चोक, स्यानीपाटन, गलेश्वर शिवालय मन्दिर, ठूलीमझुवा हुँदै यज्ञस्थलमा पुगी धर्मसभामा परिणत भएको थियो।
साउन ३१ गतेसम्म सञ्चालन हुने उक्त ज्ञानयज्ञमा हरेक दिन बिहान ११ बजेदेखि अपराÞन ४ बजेसम्म पूराण बाचन हुने समितिले जनाएको छ।
Related News
सम्बन्धित समाचार
हर्पनकोट माविमा छात्रवृत्ति वितरण
फेवातालमा एक युवक मृत फेला, २ दिनसम्म भएन पहिचान
सामुदायिक विद्यालयका कर्मचारीकाे लगातार धर्ना
कृष्णमणिलाई वातावरण पत्रकारिता पुरस्कार
रास्वपा पोखरा २६ गठन
hero news full width
मुख्य समाचार
पारित भयो गण्डकीको नीति तथा कार्यक्रम
नीति तथा कार्यक्रममाथि छलफल : एकल पुरुष भत्ताको व्यवस्था हुनुपर्ने माग
जेठ २५, २०८०पोखरामा ‘ड्रागन बोट रेस फेस्टिभल’को तयारी, चीनबाट ल्याइयो ८ वटा विशेष डुंगा
जेठ २५, २०८०जिसस स्याङ्जाको गाडी दुर्घटना, चालकको मृत्यु, ३ घाइते
जेठ २४, २०८०मुर्रा राँगो : भैंसीको नश्ल सुधारका लागि विशेष योगदान
जेठ २४, २०८०उच्च शिक्षा प्रदेशकै एकल अधिकारमा पर्छ माननीय ज्यू !
जेठ २४, २०८०