पोखरा, २२ साउन। मुग्लान रेष्टुरेन्ट एण्ड बार, सभागृहको टिप्स बक्समा संकलित रकम सहारा एकेडेमीलाई प्रदान गरिएको छ ।

रेष्टुरेन्ट आउने ग्राहकले सेवाबाट खुशी हुँदै भ्याट र अतिरिक्त कर बाहेक टिप्स बक्समा खसालेको रकम सहारा एकेडेमीलाई प्रदान गरिएको मुग्लानका संचालक राजमान थकालीले बताए। छ महिनादेखि शुरु रेष्टुरेन्टको टिप्स बक्समा ५ हजार जम्मा भएको र सो रकम एकेडेमीलाई हस्तान्तरण गरिएको उनले बताए । सो रकम सहारा क्लब अध्यक्ष केशव थापा, पूर्व अध्यक्ष विक्रम थकालीलाई संयुक्त रुपमा हस्तान्तरण गरे ।

मुग्लानले अष्ट्रेलियाको सिडनीमा २ र पोखरामा १ गरी ३ वटा चेन रेष्टुरेन्ट संचालन गरिरहेको छ। ‘सिडनीका रेष्ट्रेन्टमा जम्मा भएको रकम वाषिर्क रुपमा हामी सोझै सहारा क्लबलाई दिन्छौं,’ थकालीले भने, ‘वाषिर्क ३ लाख जति संकलन हुन्छ र त्यसमध्ये सहाराद्वारा संचालित आहा रारा फुटबलको दोश्रो पुरस्कार राशि २ लाख ५१ हजार समेत त्यही रकमबाट दिँदैआएका छौं।’  सहारा क्लब अध्यक्ष केशव थापाले मुग्लानबाट प्राप्त रकम थोरै भए पनि यो एउटा उदाहरणीय कार्य भएको बताए । ‘मुग्लानले सबैलाई सहयोग गर्नुपर्छ भन्ने भावना जागृत गराएको छ, यसको हामी प्रशंसा गछौ,’ उनले भने । सहारा क्लबद्वारा संचालित एकेडेमीले देशभरिका कठिन परिस्थितिका २८ जना बालकलाई अध्ययनसँगै फुटबल प्रशिक्षण गराउँदै आएको छ ।