सामुदायिक प्रहरीको भूमिका महत्वपूर्ण : बोहरा

आदर्श समाज सम्वाददाता
श्रावण २०, २०७५
samudayik

पोखरा, १९ साउन । गण्डकी प्रदेशका प्रहरी प्रमुख प्रहरी नायव महानिरीक्षक दानसिंह बोहराले नेपाल प्रहरीको जनमुखी प्रहरी अभियानमा सामुदायिक प्रहरी सेवाको महत्वपूर्ण भूमिका रहेको बताएका छन् ।

सामुदायिक सेवा केन्द्र एवं सामुदायिक प्रहरी सेवा केन्द्र बैदाम पोखराको शनिबार १७ औ वाषिर्क साधारण सभा तथा नवौं अधिवेशन उद्घाटन गर्दै उनले सो कुरा बताएका हुन् ।

उनले नेपाल प्रहरीसँगै हातेमालो गर्दै समाजका विकृति-विसंगति निराकरण गर्ने उद्देश्यका साथ स्थापना भएका यस्ता केन्द्र र प्रहरीबीच सम्बन्ध सुमधुर हुनुपर्नेमा पनि दिए ।

बोहराले सामुदायिक प्रहरी समुदायकै लागि भएकाले यसलाई थप बलियो बनाउनुपर्नेमा जोड दिए। कार्यक्रममा केन्द्रका सामाजिक एवं संस्थागत विकासमा योगदान पुर्‍याउने विभिन्न महानुभावहरुलाई सम्मान गरिएको थियो। उद्घाटन समारोहमा वडाध्यक्षतर्फबाट पोखरा ६ का जगतबहादुर पहारी, नेकपा वडा ६ का अध्यक्ष भीमसेन भुजेल, नेपाली काँग्रेस वडा इकाइ सचिव शिशिर पहारी, सामुदायिक सेवा केन्द्र जिल्ला समन्वय समितिका अध्यक्ष विष्णु भट्टराई, बैदामका संस्थापक अध्यक्ष मंगल नेपाली, पश्चिमाञ्चल होटल संघका अध्यक्ष विकल तुलाचन, राष्ट्रिय महिला पर्यटन व्यवसायी संघका अध्यक्ष लक्की कार्की, समाजसेवी देवका पहारी, पोखरा उपत्यका बृहत् सरसफाइ अभियान संयोजक रामबहादुर पौडेल लगायतले शुभकामना मन्तव्य राखेका थिए।

कार्यक्रममा वडा प्रहरी कार्यालय बैदाम प्रमुख प्रहरी नायव उपरीक्षक नवीन कार्की, विभिन्न वडा कार्यालयका वडा अध्यक्ष तथा जनप्रतिनिधि, विभिन्न आमा समूह, नागरिक समाज, विभिन्न सामुदायिक प्रहरी सेवा केन्द्रका अध्यक्ष तथा प्रतिनिधि, प्रहरी, कर्मचारी, पत्रकार लगायतको उपस्थिति थियो। केन्द्रका अध्यक्ष भीम पराजुलीको अध्यक्षतामा भएको समारोहमा सचिव चेतनारायण पाण्डेले कार्य प्रतिवेदन प्रस्तुत गरेका थिए। केन्द्र उपाध्यक्ष मीना भट्टराईले स्वागत मन्तव्य व्यक्त गरेकी थिइन् ।यसैबीच, अधिवेशनले मीना भट्टराईको अध्यक्षतामा १५ सदस्यीय नयाँ कार्यसमिति निर्विरोध चयन गरेको छ ।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width