महानगरको कारबाही

आदर्श समाज सम्वाददाता
श्रावण १८, २०७५

पोखरा, १७ साउन। पोखरा महानगरपालिकाले १५ ठेकेदार कम्पनीलाई एकैदिन कारबाही गरेको छ। आर्थिक वर्ष २०७४/०७५ मा टेण्डर लिएर पनि काम नगरेका ठेकेदारलाई महानगरले कारबाही स्वरुप जरिवाना लिइएको हो। महानगरले सञ्चालन गरेका कनेक्टिङ रोडका लागि टेण्डर मार्फत ठेकेदारको जिम्मा लगाइएको थियो। तोकिएको समयमा काम नगरेपछि उनीहरु कारबाहीमा परेका हुन्। महानगरले सबै ठेकेदारलाई पत्र पठाएर जरिवाना बुझाउन निर्देशन गरेको छ। महानगरले गएको वर्ष ३० वटा कनेक्टिङ रोडमा काम गरेको हो। जसमध्ये २६ वटा सडक टेण्डरमार्फत र ४ वटा उपभोक्ता समितिमार्फत काम गरिएको छ। उपभोक्ता समितिका लागि चाहीँ म्याद थप भएको र ठेकेदारलाई कारबाही गरिएको महानगरले जनाएको छ।

पाँच वटा सडकका लागि जिम्मेवारी लिएका कम्पनीले समयमै काम सम्पन्न गरेका छन् भने ३ वटा ठेकदारले तोकिएको म्याद नाघेपछि जरिवाना तिरेरै काम सकेका छन्।

समयसीमा नाघेर काम सम्पन्न गर्ने ३ निर्माण कम्पनीबाट महानगरले जरिवानावापत १ लाख ३० हजार रुपैयाँ जरिवाना असुल उपर गरेको मेयरका स्वकीय सचिव लक्ष्मण तिमिल्सिनाले जानकारी दिए।

बाँकी १८ वटा कम्पनीसँग १७ लाख ३७ हजार रुपैयाँ जरिवाना असुलउपर गरिने उनले बताए। ‘पहिलो प्रयास भएकोले ठेकेदारलाई मात्रै कारबाही गरिएको हो। अको वर्षदेखि समयमा काम नगर्ने उपभोक्ता समिति पनि कारबाहीमा पर्छन्,’ उनले भने।

पोखरा महानगरले उपभोक्ता समितिसम्बन्धी कार्यविधिको मस्यौदा बनाएर कार्यपालिकामा छलफल गरिरहेको छ। काम नसक्ने ठेकेदारलाई नसकिँदासम्म दैनिक कन्ट्याक्ट रकमको ०.०५ प्रतिशतले जरिवाना थपिने उनको भनाइ छ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width