हतारो पत्रकारिता घातक : श्रेष्ठ

आदर्श समाज सम्वाददाता
श्रावण १८, २०७५

हेमजा, १७ साउन। प्रेस काउन्सिल नेपालका कावा अध्यक्ष किशोर श्रेष्ठले हतारो पत्रकारिता आमनागरिकका लागि घातक हुने बताएका छन्।

काउन्सिलको आयोजना तथा पत्रकार महासंघ कास्कीको संयोजनमा पोखरामा विहीवार भएको पत्रकार आचारसंहिता जागरण अभियान-२०७५ अन्तर्गत अन्तक्रिर्यामा उनले सो कुरा बताएका हुन् । श्रेष्ठले चाँडो सूचना दिने नाममा हतारमा समाचार सम्प्रेषण गर्दा थुपै गल्ती हुने गरेको औँल्याउँदै त्यस्ता समाचारले आमजनमानसमा सही सूचना नदिने तर्क गरे। उनले नेपालमा खोजी पत्रकारिता हराएको तथा त्यसविरुद्घ गोजी पत्रकारिता मौलाएको भन्दै त्यसको भर्सना समेत गरे। पछिल्लो समय आर्थिक प्रलोभनमा परी स्वयं पत्रकार तथा मिडिया हाउस व्यापारी तथा केही धनाढ्यको दास बन्न पुगेको भन्दै गुनासो समेत उनले पोखे। श्रेष्ठले भदौ १ देखि नयाँ आचारसंहिता आउने जानकारी दिए ।

नेपाल प्रेस इन्स्टिच्युट अध्यक्ष तीर्थ कोइरालाले पत्रकारले अधिकार र कर्त्तव्य दुवैको समान बोध गर्नुपर्ने तर्क सार्दै अबको पत्रकारिता नागरिकमैत्री हुनुपर्नेमा जोड दिए। काउन्सिल सदस्य खिलबहादुर भण्डारीले आफ्नो प्रचारका लागि जथाभावी समाचार नहाल्न सुझाव दिए । विज्ञ समूहका टीकाराम राईले पछिल्लो समयमा प्रविधिको दुरुपयोग बढिरहेको चर्चा गर्दै पत्रकारिता क्षेत्र पनि त्यसबाट अछूतो नभएको प्रष्ट पारे। कार्यक्रममा महासंघ केन्द्रीय सदस्य रामकृष्ण ज्ञवाली, पत्रकार भरत कोइराला लगायतले कपि पेष्ट पत्रकारिताबाट पोखरेली पत्रकार माथि उठ्न सक्नुपर्ने बताए । जिल्ला वार एशोसियसन कास्की अध्यक्ष सोम श्रेष्ठले कानुनी कुराबारे सहजीकरण गरेका थिए।

महासंघ कास्कीका अध्यक्ष दीपेन्द्र श्रेष्ठको अध्यक्षतामा भएको कार्यक्रममा उपाध्यक्ष विमला भण्डारीले स्वागत र सचिव रामप्रसाद तिमिल्सिनाले संचालन गरेका थिए।

Related News

सम्बन्धित समाचार

  • पर्वतीय संग्रहालयमा फोटो प्रदर्शन

    आदर्श समाज सम्वाददाता असाेज ११, २०८०
    पोखरा । अन्तर्राष्ट्रिय पर्वतीय संग्रहालयमा अबदेखि फरकफरक भूगोलका एकै प्रकारको हिमाली जनजीवन चिनाउने गरी अस्ट्रियन आमाछोरीले लामो समय लगाएर खिचेको…
  • सरकारको आलोचनामात्र गर्नु गलत : मन्त्री सिंखडा

    आदर्श समाज सम्वाददाता असाेज ११, २०८०
    पोखरा । गण्डकी प्रदेश सामाजिक विकास तथा स्वास्थ्य मन्त्रालयले प्रदेशका स्वास्थ्य क्षेत्रमा क्रियाशील गैरसरकारी संघसंस्थासँग छलफल तथा अन्तरक्रिया गरेको छ…
  • अनुगमनमा ३ पसललाई कारबाही

    आदर्श समाज सम्वाददाता असाेज ११, २०८०
    लमजुङ । जिल्ला सदरमुकाम बेंशीसहरमा मापदण्डविपरीत सञ्चालित ३ पसल कारबाहीमा परेका छन् । जिल्ला अनुगमन समितिले २ किराना र १…
  • भूपू सैनिक सहकारीको सभा

    आदर्श समाज सम्वाददाता असाेज ११, २०८०
    हेमजा । पोखरा २५, हेमजास्थित भूपू सैनिक बचत तथा ऋण सहकारी संस्थाको आठौं वार्षिक साधारण सभा बुधबार सम्पन्न भयो ।…
  • लेखनाथ कुटानी पिसानी व्यवसायी समितिमा विष्णु

    आदर्श समाज सम्वाददाता असाेज ११, २०८०
    लेखनाथ । लेखनाथ कुटानी पिसानी व्यवसायी समितिको अध्यक्ष विष्णुप्रसाद लमिछाने चयन भएका छन् । संस्थाको बुधबार सम्पन्न १०औं साधारण सभा…

hero news full width