ठूला तीर्थ नेपालमै छन् : जगत्गुरु

आदर्श समाज सम्वाददाता
श्रावण १८, २०७५

पोखरा, १७ साउन। अनन्त श्री विभूषित जगत्गुरु बालसन्त मोहनशरण देवाचार्य महाराजले ठूला तीर्थ नेपालभित्रै रहेको र तीर्थकै लागि विदेश जानु नपर्ने बताएका छन्।

‘मेचीदेखि महाकाली सम्मै सयौं तीर्थहरु छन्। जसको महिमा हरेक नेपालीले जान्नु र त्यहाँ पुग्नु जरुरी छ,’ जगत्गुरुले भने ‘मल्लिकार्जुन ज्योर्र्तिलि· पनि नेपालमै छ।’

‘आज राष्ट्र धर्धरी रोएको छ । हामीले नै हाम्रो राष्ट्रको महत्व बुझेका छैनौ,’ बालसन्त मोहरणशरणले भने, ‘मेरो संर्घष्ा यसैमा छ ।’

सांस्कृतिक, धार्मिक एवम् राष्ट्र जागरणका लागि पोखरा-१८, लक्ष्मीधारास्थित गोपाल सेवा केन्द्रमा आयोजित प्रवचन कार्यक्रममा नेपालका ऐतिहासिक प्रथम जगत्गुरुले उक्त आशीर्वचन प्रदान गरेका हुन्। पाँच दिवसीय उक्त कार्यक्रमको प्रदेशसभा सदस्य बिन्दुकुमार थापाले बिहीवार उद्घाटन गरे।

त्यस अवसरमा प्रमुख अतिथि थापाले भने, ‘आध्यात्मिक ज्ञानले मानिसलाई नैतिकवान बनाउँछ।’

स्वस्थ समाज निर्माणका लागि नैतिकवान नागरिक आवश्यक पर्ने बताउँदै सांसद थापाले नयाँ पुस्तालाई नैतिक र आध्यात्मिक शिक्षा दिनुपर्नेमा जोड दिए।

विश्व हिन्दू महासंघका केन्द्रीय उपाध्यक्ष वेदनिधि शर्माले राष्ट्रिय जागरणका लागि जगत्गुरुले देशमा पैदलयात्रा गर्नुभएको उल्लेख गर्दै संस्कृति हराउँदै गएकोप्रति सबैको चिन्ता भएको बताए।

अध्यक्षको आशनबाट गोपाल सेवा केन्द्रका कार्यवाहक अध्यक्ष विष्णुप्रसाद पराजुलीले जगत्गुरुको संकल्प र पोखरेलीहरुको माया ममताबाट केन्द्रको भवन निर्माण भई संरक्षणसमेत हुँदै आएको जानकारी दिए।

कार्यक्रमको सञ्चालन सचिव लक्ष्मीशरण पराजुलीले गरेका थिए।

Related News

सम्बन्धित समाचार

  • प्लास्टिकजन्य फोहोर घटाउन पोखरा १२ अग्रसर

    आदर्श समाज सम्वाददाता चैत्र १४, २०७९
    पोखरा । सेन्टर फर इनर्जी एन्ड इन्भाइरोमेन्ट नेपाल र पोखरा १२ वडा कार्यालयबीच फोहोर न्यूनीकरणका सहकार्य गर्नेबारे सम्झौता भएको छ ।…
  • पोखरा १२ ले बनायो आफ्नै एप

    आदर्श समाज सम्वाददाता चैत्र १४, २०७९
    पोखरा । पोखरा वडा १२ ले डिजिटल सेवा प्रवद्र्धन गर्ने उद्देश्यले मोबाइल एप संचालनमा ल्याएको छ । घरमा वा जहाँसुकै…
  • पोखरामा सामुदायिक थियटरको माग

    विजय नेपाल चैत्र १४, २०७९
    पोखरा । कलाकार जसु गुरुङ पोखरा झर्दा पहिले पहिले यहाँ नाटक हुन्थ्यो भन्ने मात्र सुनेकी थिइन् । गण्डकी प्रज्ञा प्रतिष्ठान…
  • प्रहरी कार्यालयको भवन शिलान्यास

    आदर्श समाज सम्वाददाता चैत्र १४, २०७९
    लेखनाथ । इलाका प्रहरी कार्यालय डाँडाको नाकमा ६ कोठे पक्की भवन सोमबार शिलान्यास गरिएको छ । भवनको पोखरा २६ का…
  • अमरसिंहको ६७ औं वार्षिकोत्सव

    आदर्श समाज सम्वाददाता चैत्र १४, २०७९
    पोखरा । अमरसिंह नमुना माविको ६७ औं वार्षिकोत्सव, अभिभावक दिवस तथा पुरस्कार वितरण समारोह सम्पन्न भयो । समारोह उद्घाटन गर्दै…

hero news full width