पोखरा, १४ साउन। पोखरा वडा १७, रातोपैरामा रहेको ओमकारेश्वर मन्दिरलाई शुभकामना नेपाल फाउन्डेशन, लेकसाइडले डस्टबिन वितरण गरेको छ।

मन्दिर वरिपरि बढ्दो फोहर व्यवस्थापन गर्न फाउन्डेशनले ५ थान डस्टविन वितरण गरेको हो।

मन्दिरमा आयोजित एक कार्यक्रमबीच फाउण्डेसनका अध्यक्ष प्रमिला थापाले ओमकारेश्वर मन्दिर आश्रम निर्माण समितिका अध्यक्ष भगवान् पन्तलाई डस्टविन हस्तान्तरण गरेकी हुन्।

मन्दिर आश्रम निर्माण समितिका अध्यक्ष पन्तले ओमकारेश्रवर मन्दिर जस्तो पवित्र ठाउ’लाई गरेको सहयोगप्रति धन्यवाद ज्ञापन गरे। उनले मन्दिरलाई सफा राखि संरक्षण र सर्म्वर्द्धनमा जोड दिने बताए।

शुभकामना नेपाल फाउन्डेशनका सचिव तारानाथ पाहारीले पोखरा वडा १७, रातोपैरामा रहेको ओमकारेश्रवर मन्दिरले पर्यटन प्रवर्द्धनमा भूमिका खेल्ने भएकोले मन्दिरको विकासको लागि सबै जना हातेमालो गरेर अगाडि बढ्नुपर्ने बताए। उनले आफू र आफ्नो संस्थाबाट मन्दिरको विकासको लागि सधै’ साथ र सहयोग रहने प्रतिबद्धता जनाए। कार्यक्रम ओमकारेश्रवर मन्दिर आश्रम निर्माण समितिका अध्यक्ष पन्तको अध्यक्षतामा भएको हो।