पहिरोमा ८ जनाको मृत्यु

आदर्श समाज सम्वाददाता
श्रावण ११, २०७५

पोखरा, १० साउन । गोसाइँकुण्ड गाउँपालिका-२ टिमुरे प्रवेशद्वारमा बुधबार राति झरेको खसेको पहिरोमा पुरिएर ८ जनाको मृत्यु भएको छ। १ जना बेपत्ता छन् ।

मृत्यु हुनेमा सिन्धुपाल्चोक भोटेकोसी गाउँपालिका-५ का श्याम श्रेष्ठ, विक्रम श्रेष्ठ, मंगले तामाङ, भोटेकोसी-४ का रेशम खड्का रसुवा गोसाइकुण्ड गाउँपालिका-१ थुमनका मिङमार गुम्बु तामाङ, गाउँपालिका-२ टिमुरेका दोर्जे वाङजु घले, नुवाकोटका रमेश तामाङ र शर्मिला कमिनी रहेको प्रहरीले जनाएको छ। बेपत्ताको खोजी भइरहेको छ। घाइते ५ जनाको थप उपचारका लागि काठमाडौं पठाइएको गोसाइकुण्ड गाउँपालिका अध्यक्ष कैसाङ नुपु तामाङले बताए। ७ जना घाइते भने सामान्य उपचारपछि घर र्फकेका छन्। पहिरोमा परी १२ जना घाइते भएका थिए।

स्थानीयवासीका अनुसार करीब ४ किमी माथिबाट आएको पहिरोले एक पक्की घर पुर्र्नुका साथै ३ वटा छाप्रा होटेल र साना ठूला ४ वटा सवारीसाधन पूर्णरुपमा पुरिएको हो।

पहिरोले टिमुरे प्रवेशद्वारमा रहेको अस्थायी प्रहरी पोष्ट पनि पुरेको छ। पहिरोका कारण विद्युत्, टेलिफोन सेवासमेत अवरुद्ध हुँदा भन्सारका कार्य रोकिएको प्रमुख भन्सार अधिकृत गोपाल कोइरालाले जानकारी दिए । सदरमुकामदेखि २५ किमी टाढा पार्ने घटनास्थलमा रातिदेखि नै उद्धार गरिएको थियो। बिहीबार बिहानबाट थप सुरक्षाकर्मी परिचालन गरेर उद्धार र बेपत्ताको खोजी गरिएको प्रमुख जिल्ला अधिकारी कृष्ण पौडेलले बताए ।

सदरमुकामदेखि टिमुरे जाने बाटोको ठाउँठाउँमा पहिरो खसेको छ ।

Related News

सम्बन्धित समाचार

  • कास्की पोखरा समाज जापानमा कमल

    आदर्श समाज सम्वाददाता फागुन १, २०८१
    पोखरा । कास्की पोखरा समाज जापानको छैटौं अधिवेशनले कमल बास्तोलाको अध्यक्षतामा नयाँ कार्यसमिति चयन गरेको छ । टोकियोमा भएको अधिवेशनबाट…
  • कर्मयोगी भक्तराज सम्मानित

    आदर्श समाज सम्वाददाता फागुन १, २०८१
    पोखरा । बगाले टोल विकास संस्थाले संस्थापक अध्यक्ष भक्तराज श्रेष्ठ र उनकी जीवनसंगीनी मोहनमाया श्रेष्ठलाई सम्मान गरेको छ । साथै…
  • वेगनास ताल डुंगा व्यवसायीको गुनासो-मोटरबोट रोकियो, रोजीरोटी खोसियो

    रामशरण नेपाली माघ २९, २०८१
    लेखनाथ । पोखराको दोस्रो ठूलो ताल वेगनासमा पर्यटकीय गतिविधि बढाउने उद्देश्यले गत वर्षदेखि सञ्चालनमा ल्याइएको मोटरबोटमा रोक लगाइएको छ ।…
  • सहारा एकेडेमीका ६ खेलाडी ब्रिगेड ब्वाइजमा अनुबन्धित

    आदर्श समाज सम्वाददाता माघ २८, २०८१
    पोखरा । सहारा क्लब पोखराका ६ जना खेलाडी सहिद स्मारक ‘बि’ डिभिजन लिग फुटबल प्रतियोगिताका लागि ब्रिगेड ब्वाइज क्लब, ललितपुरमा…
  • लायन्स आदर्श चौतारीको शिविर

    आदर्श समाज सम्वाददाता माघ २८, २०८१
    पोखरा । लायन्स अन्तर्राष्ट्रिय डिष्ट्रिक्ट ३२५ आई नेपालअन्तर्गत लायन्स क्लब पोखरा आदर्श चौतारी, लियो आदर्श चौतारी, पैयुँको आयोजनामा निःशुल्क बृहत्…

hero news full width