पोखरा, १० साउन। मुक्तिनाथ विकास बैंक लि. र पोखरा विश्वविद्यालय, स्कूल अफ विजनेसबीच बैंकमा आवश्यक पर्ने मानव संशाधन व्यवस्थापन गर्ने गराउने गरी एकआपसमा सम्झौतापत्रमा हस्ताक्षर भएको छ।

सम्झौतापत्रमा बैंकका क्षेत्रीय प्रबन्धक बाबुराम ढकाल र विश्वविद्यालयतर्फबाट विश्वविद्यालय, स्कूल अफ विजनेसका निर्देशक डा रवीन्द्र घिमिरेले हस्ताक्षर गरेका छन्।

सम्झौतापत्रमा बैंकलाई आवश्यक पर्ने जनशक्ति व्यवस्थापन गर्ने क्रममा पोखरा विश्वविद्यालयबाट बीबीए, बीआइ र एमबीएमा उत्कृष्ट अंक ल्याई उत्तीर्ण हुने ५ जना विद्यार्थीहरुलाई क्षमता र दक्षताका आधारमा आवश्यक प्रक्रिया पूरा गरी कर्मचारीको रुपमा नियुक्ति गर्ने, विभिन्न विभाग अन्तर्गत अध्ययन गर्ने विद्यार्थीलाई इर्न्र्टनसीप गर्न अवसर प्रदान गर्ने र बैंकिङसम्बन्धी आवश्यक तालिम तथा ब्यवहारिक ज्ञान आदानप्रदान गर्ने गरी सम्झौतापत्रमा हस्ताक्षर भएको हो।

सम्झौतापश्चात शैक्षिक योग्यता हासिल गरिसकेपछि देखिने वेरोजगारी समस्या व्यवस्थापन गर्न सहयोग पुग्नेमा दुवै पक्ष विश्वस्त रहेका छन्।