डा केसी बचाउ हस्ताक्षर प्रधानमन्त्रीलाई

आदर्श समाज सम्वाददाता
श्रावण १०, २०७५

पोखरा, ९ साउन । आमरण अनसनरत् प्राडा गोविन्द केसीको जीवन रक्षाको माग गर्दै उनको समर्थनमा पोखरामा हस्ताक्षर संकलन गरी बुधबार प्रधानमन्त्रीलाई पठाइएको छ ।

साउन ६ देखि तीनदिनसम्म पोखरा चिप्लेढुंगा क्षेत्रमा संकलित ७ हजार १ सय ५५ जनाको हस्ताक्षर जिल्ला प्रशासन कार्यालय कास्कीमार्फत प्रधानमन्त्रीलाई पठाइएको नागरिक समाज पोखराका संयोजक विष्णुहरि अधिकारीले जानकारी दिए। सा क्रममा डा केसीको १५ औ पटकको अनसनको २६ औं दिन पुगी सक्दा पनि सरकारले गरेको बेवास्ताका कारण उनको नाजुक बन्दै गएको स्वास्थ्य स्थित्रि्रति गम्भीर ध्यानाकर्षण जनाउँदै ज्ञापनपत्र समेत बुझाइयो ।

नागरिक समाज पोखराका संयोजक विष्णुहरि अधिकारीले प्रजिअ तारानाथ अधिकारीलाई ज्ञापनपत्र बुझाए भने राष्ट्रिय सम्पदा तथा जनअधिकार संरक्षण समिति नेपालका अध्यक्ष एवं नागरिक समाजका निवर्तमान संयोजक रामबहादुर पौडेल, युथ नर्स सञ्जाल नेपाल, पोखराका संरक्षक जीता बराल, चिकित्सक संघ, गण्डकी शाखाका अध्यक्ष डा निर्मल लामिछाने तथा सामाजिक अभियन्ता पवित्रा जिसी, शिवप्रसाद बास्तोला, तीर्थमाया गुरुङले झण्डै ४० मिटर लामो कपडामा संकलित हस्ताक्षर प्रजिअलाई संयुक्त रुपमा हस्तान्तरण गरेका हुन्।

सो क्रममा अभियन्ता रामबहादुर पौडेलले माथेमा आयोगको प्रतिवेदन लागू गर्न गरिएको सत्याग्रहको अविलम्ब सम्बोधन गरी डा केसीको जीवनरक्षाको माग गरे। प्रजिअ अधिकारीले तत्कालै प्रधानमन्त्री तथा मन्त्रिपरिषद्को कार्यालयमा पठाउने प्रतिबद्धता जनाएका थिए । संकलित हस्ताक्षरमा अधिकांश किशोरकिशोरीको हस्ताक्षर रहेको अभियन्ता शशी तुलाचनले बताइन् ।

Related News

सम्बन्धित समाचार

  • ‘कांग्रेस–एमाले मिलाउनु रास्वपाको उपलब्धि’

    आदर्श समाज सम्वाददाता श्रावण ८, २०८१
    पोखरा– राष्ट्रिय स्वतन्त्र पार्टी (रास्वपा) उपसभापति डिपी अर्यालले पार्टीको प्रशिक्षण र संगठन विभागका गतिविधि कमजोर भएको स्वीकार गर्दै अबका दिनमा…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • विपदमा देशभर ३८ जनाको मृत्यु

    आदर्श समाज सम्वाददाता श्रावण ८, २०८१
    काठमाडौं । यस वर्ष बाढी, पहिरोलगायतका विपद‍्मा परी सोमबार दिउँसोसम्म मुलुकभर १ सय ३१ जनाको मृत्यु भएको छ । विपद‍्मा…

hero news full width