मस्र्याङ्दीमा समीक्षा र भावी कार्यदिशा तय

आदर्श समाज सम्वाददाता
श्रावण ९, २०७५

लमजुङ, ८ साउन। मस्र्याङ्दी गाउँ कार्यपालिकाले गाउँपालिकाद्वारा गत आवका सम्पन्न गरिएका कार्यक्रम तथा विकासका योजनाको समिक्षा गर्नुका साथै चालु आव २०७५/०७६ का लागि योजना नीति निर्माण गरेको छ।

गाउँपालिकाको पहिलो कार्यपालिका बैठकमा गत वर्ष गाउँपालिकाले गरेका निर्णय र सोको कार्यान्वयन पक्षका सकारात्मक उपलब्धि, सुधार गर्नुपर्ने विषयमा व्यापक छलफल गरिएको हो ।

बैठकले चालु आवका लागि सम्पन्न गर्ने कार्यक्रम तथा विकासका योजनाका बारेमा बाषिर्क कार्यतालिका तयार गरेको सो गाउँपालिकाका अध्यक्ष अर्जुन गुरुङले बताए। उनका अनुसार बैठकमा शिक्षा, स्वास्थ्य, कृषि, पशु, पर्यटन र पूर्वाधार विकास आयोजनाको सकारात्मक विकासको सुरुवात भएको निचोड निकालेको गाउँपालिकाका उपाध्यक्ष होम विकले बताए।

उनका अनुसार आउँदो भदौ २१ गतेसम्म योजनाको उपभोक्ता समिति गठन गरीसक्ने, असोज १५ गतेसम्म उपभोक्ता समितिका पदाधिकारीलाई तालिम दिई योजनाको सम्झौता, आयोजना निर्माण गर्दा ध्यान दिनुपर्ने मूलतः गुणस्तर तथा सुशासन सहित फरफारकसम्बन्धी जानकारी दिने निर्णय गरेको छ।यसैगरी, माघ मसान्तसम्म आयोजनाहरूको सम्झौता गरी सक्न निर्देशन गर्ने बैशाख महिनाभित्र आयोजनाको निर्माण कार्य सम्पन्न गरी सक्नुपर्ने र जेठ महिनाभित्र सम्पन्न भएका विकासका योजनाहरूको अनुगमन मूल्यांकन गरी, गराई भुक्तानी लिई सक्नुपर्ने निर्णय गरेको सो गाउँपालिकाका उपाध्यक्ष विकले जानकारी दिए।

उनका अनुसार गाउँपालिकाको निगरानीमा सम्पन्न योजनाको गुणस्तरीयमा राम्रो भएको, विकासमा जनसहभागिता राम्रो भएको, शिक्षाको घोषणापत्रमा घोषित नीतिले शैक्षिक सुधारका लक्षण देखिन थालेको, स्वास्थ्य, कृषि, पशुपालनको विकासमा सुधार भएको समिक्षा बैठकको निष्कर्ष रहेको छ।

यसैगरी, योजना फरफरकमा उपाभोक्तालाई थप सचेत गर्ने र गुणस्तरमा सुधार गर्न सकिने पक्ष भए त्यसमा ध्यान दिने, योजनाको निरीक्षण अनुगमनका लागि समयमा नै प्राविधिक खटाउन नसकेको हुँदा त्यो कमजोरीलाई सच्चाउने, सम्झौता भएर पनि समयमा सम्पन्न हुन नसकेका योजनाको कमजोरी पत्ता लगाई सच्चाउने जस्ता विषय सकारात्मक पक्ष रहेको गाउँपालिकाका अध्यक्ष अर्जुन गुरुङले बताए। उनले भने, ‘पहिलो वर्ष सिकाइको वर्ष भो, आउँदो वर्ष थप सुधार हुन्छ भन्ने आशा छ।’

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width