‘सरसफाइ पोखरेलीको पहिचान’

आदर्श समाज सम्वाददाता
श्रावण ९, २०७५
cleaning

हेमजा, ८ साउन। पोखरामा जारी बृहत् सरसफाइ कार्यक्रम पोखरेलीको पहिचान बन्दै गएको सरोकारवालाले बताएका छन् ।

बृहत् सफाइ अभियानअन्तर्गत यही साता हेमजामा हुन लागेको ११३ हप्ताको श्रृंखलाको पूर्वतयारी बैठक तथा नागरिक जागरण कार्यक्रममा बोल्ने वक्ताले सो कुरामा जोड दिए।

पोखरा महानगरपालिकाका प्रमुख प्रशासकीय अधिकृत शेषनारायण पौडेलले सरसफाइ र पोखरा पयार्यवाची शब्दजस्तै भएको चर्चा गरे । उनले पोखराको सफाइ यहाँको सभ्यता तथा संस्कृतिसँग जोडिएको बताए।

उनले विकास भौतिक साधनस्रोतले मात्रै नहुने तर्क अगाडि सार्दै त्यससँग मानिसको मानसिक क्षमता समेत गासिएकोमा जोड दिए।

अभियान संयोजक रामबहादुर पौडेलले पोखरा सफा हुनु भनेको सबै पोखरेली स्वच्छ रहनु हो भन्दै पोखरा सरसफाइको श्रेय सम्पूर्ण पोखरेलीमा जाने धारणा राखे।

पोखरा वडा २५ का वडाध्यक्ष शोभाकर तिम्सिनाले सफाइ सबैभन्दा पहिला व्यक्ति र उसको घरबाट शुरु हुनुपर्ने भन्दै बृहत् सफाइ अभियानलाई सचेतनाको माध्यमका रुपमा हेरिनुपर्ने तर्क गरे।

कार्यक्रममा स्थानीय डम्बरसिंह बस्नेत र कलमाया र्घर्तीले कार्यक्रम राम्रो लागेको र आगामी श्रृंखलामा सहभागिता जनाउने प्रतिबद्घता जनाए ।

कार्यक्रममा वडा प्रहरी कार्यालय बगरका इञ्चार्ज दुर्गा श्रेष्ठले विकृति, विसंगति र सडक सुरक्षाका बारेमा भनाइ राखेका थिए।

वडा अध्यक्ष तिम्सिनाको अध्यक्षतामा सम्पन्न उक्त कार्यक्रममा सामुदायिक सेवा केन्द्र एवं सामुदायिक प्रहरी सेवा हेमजाका अध्यक्ष विष्णु बास्तोलाले स्वागत र कार्यक्रम संचालन नागरिक समाज पोखराका संयोजक विष्णुहरि अधिकारीले गरेका थिए।

बृहत् सफाइ अभियानअन्तर्गत हरेक शनिबार एक घण्टा पोखरा सहित छिमेकी गाउँपालिकामा समेत सरसफाइ हुँदैआएको छ।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width