पोखरा, ८ साउन। गण्डकी प्रदेशका सांसद रामजी बराल जीवनले बिगँ्रदो वातावरणको संरक्षण गरी पर्यावरण जोगाउन वृक्षरोपणले महत्वपूर्ण योगदान पुर्‍याउने बताएका छन्।

विकसित मुलुकले कार्वन उर्त्र्सजन गर्दा वातावरण प्रदुषित भएको भन्दै नेपालको हरियालीले संसारभरको वातावरण संरक्षणमा योगदान पुर्‍याउने धारणा राखे।

शुक्रराज मावि पुम्दीभुम्दी आयोजित वृक्षरोपण कार्यक्रममा बोल्दै जीवनले खाली रहेको ठाउँमा वृक्षरोपण गर्नुपर्ने बताए। सांसद बराल सो विद्यालयका विद्यालय व्यवस्थापन समिति अध्यक्ष समेत हुन्।

लायन्स क्लब अफ पोखरा मिड टाउनले शुक्रराज माविमा वृक्षरोपण कार्यक्रम गरेको हो। क्लबको वाषिर्क कार्यक्रम अनुसार वृक्षरोपण गरिएको क्लब अध्यक्ष देवी तिमिल्सिनाले बताइन्।

कार्यक्रममा पोखरा २२ का वडा अध्यक्ष मित्रलाल बराल, लायन्सका कमिटि को-चेयरपर्सन सावित्री अर्याल, रिजन चियरपर्सन अर्जुन थापा, जोन चियरपर्सन सोवित पौडेल, क्लबका उपाध्यक्ष विश्वास भण्डारी, सुरेन्द्र पौडेल, वृक्षरोपण कार्यक्रम संयोजक ऋषिकेश पराजुली लगायतले बोलेका थिए।