व्यापार मेलाबाट १० लाख बचत

आदर्श समाज सम्वाददाता
श्रावण ८, २०७५

पोखरा, ७ साउन। राष्ट्रिय औद्योगिक व्यापार मेला तथा दोस्रो मोवाइल मेला-२०७४ बाट १० लाख ५५ हजार ८ सय ८६ रुपैयाँ बचत भएको छ।

पोखरा उद्योग वाणिज्य संघले पुस २७ देखि माघ ८ गतेसम्म पोखरा प्रदर्शनी केन्द्रमा आयोजना गरेको मेलामा १ करोड १८ लाख २६ हजार ७ सय ९३ रुपैयाँ आम्दानी भएकोमा खर्च कर्टाई सो रकम बचत भएको हो। यस्तै, १ लाख ८० हजार जनाले मेला अवलोकन गरेका थिए।

मेलाको आय/व्यय सार्वजनिक गर्न सोमबार आयोजित पत्रकार सम्मेलनमा आम्दानीबाट प्रदर्शनी केन्द्रमा शौचालय निर्माण कार्य थालिएको संघका अध्यक्ष विश्वशंकर पालिखेले जानकारी दिए। संघले बचत रकम व्यावसायिक वातावरण निर्माण र सामाजिक कार्यमा खर्च गर्ने उनले बताए।

विगतदेखि वर्तमानसम्म पोखराको हितका लागि नै पोखरा उद्योग वाणिज्य संघले काम गर्दै आएको छ संघका अध्यक्ष पालिखेले भने, ‘त्यसले पोखरा उद्योग वाणिज्य संघ व्यवसायीको मात्र नभएर सबैको साझा संस्था हो।’

संघले यस वर्षदेखि मेलाको नाम परिवर्तन गरी राष्ट्रिय औद्योगिक व्यापार मेला ‘एक्स्पो पोखरा’ को नामबाट संचालन हुने निर्णय गरेको जनाएको छ।

गण्डकी प्रदेशको सबैभन्दा उत्कृष्ट महोत्सव बनाउने उद्देश्यका साथ नाम समेत परिवर्तन गरेको संघले जनाएको छ। यस वर्ष मंसिर १३ देखि २४ गतेसम्म मेला संचालन गरिने छ।

मेलाको तयारीका लागि संघका उपाध्यक्ष गोकर्णकार्कीको संयोजकत्वमा प्रायोजन व्यवस्थापन उपसमिति गठन गरिएको छ।

पत्रकार सम्मेलनमा पत्रकार महासंघ कास्कीका अध्यक्ष दीपेन्द्र श्रेष्ठले संचार क्षेत्रले निरन्तर रुपमा संघको मेलालाई सहयोग गर्दै आएको उल्लेख गरे।

कार्यक्रममा संघका उपाध्यक्ष गोकर्णकार्की र महासचिव दामु अधिकारीले बोलेका थिए।

Related News

सम्बन्धित समाचार

  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • घान्द्रुकमा वित्तीय साक्षरता

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिकाको घान्द्रुकमा वित्तीय साक्षरता सम्बन्धी अभिमुखीकरण कार्यक्रम भएको छ । त्यहाँ अन्नपूर्ण–२, नौडाँडा स्थित धौलागिरी लघुवित्त वित्तीय…
  • पोखरा १३ मा रोजगार मेला

    आदर्श समाज सम्वाददाता फागुन १६, २०८०
    पोखरा । पोखरा १३ मा शुक्रबार जब फेयर हुने भएको छ । पोखरा महानगरपालिका वडा नम्बर १३ कार्यालयको आयोजनामा उक्त…
  • ६ वर्षमा ३५ हजार साना उद्योग थपिए   

    आदर्श समाज सम्वाददाता फागुन १४, २०८०
    गण्डकी ।  पछिल्ला छ वर्षमा गण्डकी प्रदेशमा ३५ हजार सात सय १६ घरेलु तथा साना उद्योग थपिएका छन् । उद्योग,…
  • कोदोबाट बिस्कुट उत्पादन, बजारको माग धान्नै मुस्किल   

    आदर्श समाज सम्वाददाता फागुन १३, २०८०
    गलकोट ।  पुरानो खाद्यान्न बाली कोदोलाई बागलुङमा ‘ब्रान्डिङ’ गरेर यसको पिठोबाट बिस्कुट उत्पादन गर्न थालिएको छ । घरेलु उद्योगमार्फत काठेखोला…

hero news full width