गुप्तेश्वरमा बूढानीलकण्ठको मूर्ति अनावरण

आदर्श समाज सम्वाददाता
श्रावण ८, २०७५
Budha Nil Kantha Murti

पोखरा, ७ साउन । पोखराको छोरेपाटनस्थित गुप्तेश्वर महादेव गुफा परिसरमा निर्माण गरिएको बूढानीलकण्ठ भगवान्को मूर्ति सोमबार अनावरण गरिएको छ ।

संस्कृति, पर्यटन तथा नागरिक उडडयन मन्त्री रवीन्द्र अधिकारीले सोमबार मूर्ति अनावरण गरेका हुन् । सो क्रममा मन्त्री अधिकारीले मुस्ताङचोकबाट पुम्दी जाने बाटोसम्म चार लेनको फराकिलो पेटी र ग्रिनेरी सहित सडक बनाउने गरी ७० करोडको योजना अघि सारेको जानकारी दिए ।

उनले थपे, ‘राम्रो गरे राम्रै हुन्छ, नराम्रो गरे नराम्रो नै हुन्छ, काम नगरी बस्नेहरू अरुलाई गालीमात्र गरेर बस्छन्।’

पोखरा १७ का वडाध्यक्ष तीर्थराज अधिकारीले पोखरामा आउने पर्यटकका लागि डेभिडफल्स र गुप्तेश्वर गुफा प्रमुख गन्तब्य बनेकोमा मूर्तिसँगै थप आकर्षणको केन्द्रविन्दु बनाउन सकिने धारणा राखे।

करिब २२ फुट लम्बाइ, १२ फुट चौडाइ र ६ फिट उचाइको सो मूर्ति सुखेतका वरिष्ठ मूर्तिकार तीलवीर सेञ्चुरी सम्मिलित समूहले ६ महिना लगाएर निर्माण गरेको हो।

गुफा व्यवस्थापन समिति अध्यक्ष विष्णुप्रसाद पौडेलले मूर्ति निर्माणमा हालसम्म १५ लाख रुपैयाँ खर्च लागेको र अझै केही काम गर्न बाँकी रहेको जानकारी दिए।

समिति अध्यक्ष पौडेलको अध्यक्षतामा भएको कार्यक्रममा स्वागत उपाध्यक्ष तुलसीराम बराल र संचालन ऋषिराम बरालले गरेका थिए।

मूर्ति अनावरणअघि छोरेपाटनदेखि पोखराका विभिन्न स्थानमा झाँकी सहितको कलशयात्रा निकालिएको थियो ।

Related News

सम्बन्धित समाचार

  • लायन्स पोखरा नर्थको छैटौं चार्टरनाइट

    आदर्श समाज सम्वाददाता श्रावण ४, २०८१
    हेमजा । लायन्स क्लब पोखरा नर्थको छैंटौं चार्टर नाइट कार्यक्रम भएको छ । पोखरा २५ का अध्यक्ष मोतीराज तिमिल्सिनाले कार्यक्रम…
  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…

hero news full width