हेमजामा आधुनिक सुपरमार्केट

आदर्श समाज सम्वाददाता
श्रावण ४, २०७५
hemja photo 1

हेमजा, ३ साउन। पोखरा २५, हेमजाको नहरचोकमा आधुनिक सुपरमार्केट सञ्चालनमा ल्याइएको छ।

हेमजा आधुनिक सुपरमार्केट नाम दिइएको उक्त मार्केट स्थानीय कृष्णबहादुर थापाले स्थापना गरेका हुन्।

उनले करिब ६ रोपनी आफ्नै जग्गामा २ करोड ३० लाख रुपैयाँ लगानी गरी सो मार्केट स्थापना गरेका हुन्।

जसमा ५८ सटर, एक क्यान्टिन, पार्किङस्थल, लक्ष्मीनारायणको मन्दिर, कार्यक्रमका लागि स्टेज, खेलकुदका लागि खेल मैदानको व्यवस्था पनि मिलाइएको छ। भित्री सटरहरुमा पनि यातायात सहजै पुग्न सक्ने व्यवस्था छ ।

थापाले उक्त सुपरमार्केटमा चौवीसै घण्टा चौकीदारको व्यवस्था गर्ने, विभिन्न ठाउँमा सिसी क्यामेरा राख्ने तथा तरकारीको मण्डी खोल्ने तयारी पनि गरेका छन्।

मार्केट स्थापना भएसँगै कास्कीको अन्नपूर्ण गाउँपालिका, माछापुच्छे्र गाउँपालिका, हेमजा, पुरुञ्चौर, कास्कीकोट, उपल्लो लामाचौर लगायत क्षेत्रबाट किनमेलका लागि मानिस आउने विश्वास गरिएको छ।

रोजगारीको शिलशिलामा भारतमा १० वर्ष र अमेरिकाका केही महिना पसिना बगाएका ५० वर्षे थापाले आफ्नै जन्मगाउँमा केही व्यवसाय गर्नुपर्दछ भन्ने भावनाका साथ मार्केट स्थापना गरेको जनाए ।

निम्नस्तरका जनतालाई लक्षित गरी सूपथ मूल्य सटर भाडामा दिइरहेको थापाले बताए।

Related News

सम्बन्धित समाचार

  • पोखरा रोयल सहकारीको २३औं स्थापना दिवस

    आदर्श समाज सम्वाददाता जेठ ८, २०८१
    पोखरा । पोखरा रोयल बचत तथा ऋण सहकारी संस्थाले आज २३औं स्थापना दिवस मनाउँदैछ । सहकारी स्थापना दिवसको अवसरमा सहकारीले…
  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…

hero news full width