प्लाष्टिक प्रयोग गरी पीच निर्माण

आदर्श समाज सम्वाददाता
श्रावण २, २०७५

पोखरा, १ साउन। नेपालमै पहिलो पटक पोखरामा फोहरजन्य प्लाष्टिकको प्रयोग गरी बाटो पीच गरिएको छ।

पोखरा महानगरपालिका वडा १४, चाउथे अनुपमटोलस्थित बी एण्ड बी मार्गमा प्लाष्टिक प्रयोग गरी १ सय मिटर बाटो पीच गरिएको हो।

सो बाटो पोखरा महानगरपालिकाका मेयर मानबहादुर जिसी र गण्डकी प्रदेशका सदस्य बिन्दुकुमार थापाले मंगलबार संयुक्त रुपमा उद्घाटन गरे।

ग्रीन रोड वेष्ट म्यानेजमेण्टले साढे ६ लाख रुपैयाँ’ लागतमा बाटो पीच गरेको हो।  पीचका लागि करिब तीन सय केजी प्लाष्टिक प्रयोग भएको छ।

प्लाष्टिकको प्रयोग गरी कम पैसामा बलियो पीच बनाउन सकिने ग्रीन रोड वेष्ट म्यानेजमेण्टका संचालक सञ्जीव बास्तोलाले जानकारी दिए।

प्लाष्टिकको प्रयोग गरी अलकत्राको मात्रा घटाइने भएकाले एक किलोमिटर पीच गर्दा करिब २ लाख रुपैयाँ बचत हुने उनको भनाइ छ।

उनले ग्रीन रोड वेष्ट म्यानेजमेण्टले कुहिने फोहरबाट बायो ग्यास उत्पादन गर्ने र नकुहिने प्लाष्टिक पीच बाटो निर्माणका लागि उपयोग गर्न चाहेको उल्लेख गरे।

पोखराका बढी वर्षा हुने भएकाले प्लाष्टिक प्रयोग गरी बनाइएको पीच बढी उपयोगी हुने उनको भनाइ छ।

बढी टिकाउँसँगै खाल्डाखुल्टी नपर्ने र पानी नसोस्ने दाबी गर्दै उनले भने, ‘प्लाष्टिकका कारण भैरहेको प्रदूषण नियन्त्रण गर्न समेत टेवा पुग्ने छ।’

नेपालमा पहिलो पटक प्लाष्टिक प्रयोग गरी पीच बनाइएको भए पनि भारतमा १ लाख किलोमिटर, भुटानमा २ सय किलोमिटर सडक प्लाष्टिकको प्रयोग गरी पीच बनाइएको छ। त्यस्तै, युके र अष्ट्रेलियामा पनि त्यसरी नै पीच गरिएको छ।

Related News

सम्बन्धित समाचार

  • हर्पनकोट माविमा छात्रवृत्ति वितरण

    आदर्श समाज सम्वाददाता जेठ २४, २०८०
    हेमजा । पूर्व पर्यटन राज्यमन्त्री महादेव गुरुङले विद्यार्थीले गर्ने अतिरिक्त क्रियाकलापको पनि मूल्यांकन हुनुपर्ने बताएका छन् । पोखरा २३ स्थित…
  • फेवातालमा एक युवक मृत फेला, २ दिनसम्म भएन पहिचान

    आदर्श समाज सम्वाददाता जेठ २३, २०८०
    पोखरा । पोखराको फेवातालमा एक युवक मृत फेला परेका छन् । अन्दाजी ४५ वर्षीय ती पुरुषको पहिचान खुल्न सकेको छैन…
  • सामुदायिक विद्यालयका कर्मचारीकाे लगातार धर्ना

    आदर्श समाज सम्वाददाता जेठ २३, २०८०
    पोखरा । नेपाल विद्यालय कर्मचारी परिषद्ले शिक्षा विकास तथा समन्वय इकाइमा लगातार धर्ना जारी राखेको छ । परिषद् कास्कीले पनि पोखराको…
  • कृष्णमणिलाई वातावरण पत्रकारिता पुरस्कार

    आदर्श समाज सम्वाददाता जेठ २३, २०८०
    पोखरा । पत्रकार कृष्णमणि बरालले वातावरण पत्रकारिता पुरस्कार–२०२२ पाउने भएका छन् । नेपाल वातावरण पत्रकार समूह (नेवापस) ले ‘विश्व वातावरण…
  • रास्वपा पोखरा २६ गठन

    आदर्श समाज सम्वाददाता जेठ २२, २०८०
    पोखरा । पोखरा २६ मा राष्ट्रिय स्वतन्त्र पार्टीको वडा भेलाले वैकुण्ठ बरालको अध्यक्षतामा तदर्थ वडा समिति गठन गरेको छ ।…

hero news full width

Recent Posts

भर्खरै